Medeý aýdanynyń polısıa qyzmetkerleri mopedterdi urlaý derekterin ashty.
Almatyda birneshe moped urlyǵyna qatysy bar tórt jigit ustaldy, dep habarlaıdy Almaty-akshamy.kz Polisia.kz-ke silteme jasap.
«QR QPK-niń 128-babyna sáıkes, QR QK-niń 188-baby 3-bóliginiń 2-tarmaǵy (Urlyq) boıynsha birneshe ret bóten bireýdiń múlkin jasyryn jymqyrý boıynsha qylmystyq quqyq buzýshylyqty jasady degen kúdikke ilikken 19 jastaǵy Ch. esimdi, 18 jastaǵy S. esimdi, 19 jastaǵy S. esimdi, sondaı-aq kámeletke tolmaǵan 17 jastaǵy M. esimdi jigit ustaldy. Olar zańsyz baıý maqsatynda túngi ýaqytta turǵyn úılerdiń aýlasynan mopedterdi urlaǵan. Atalǵan adamdar urlyq jasaǵandaryn moıyndady. Qazirgi ýaqytta olardyń jalpy Almaty qalasy boıynsha osyǵan uqsas, buryn jasalǵan qylmystarǵa qatysy bar-joǵy tekserilýde. Osy adamdardyń qylmystyq áreketterinen zardap shekken azamattar Medeý aýdandyq PB-ǵa nemese myna telefondar arqyly habarlasýlaryn suraımyz: 8 (727) 254-48-02, 254-48-10, 8-702-476-66-60», – dedi Medeý aýdandyq polısıa basqarmasynyń bastyǵy Dáýren Ótebaev.