Jyl basynan beri 3 myńnan asa jetkinshek qaýipti vırýs juqtyrǵan
Mundaı derekterdi qalalyq qoǵamdyq densaýlyq basqarmasynyń ókilderi keltirdi, dep habarlaıdy almaty-akshamy.kz "Almaty" telearnasynyń saıtyna silteme jasap.
Bıyl jyl basynan beri 3 myńnan asa jetkinshek qaýipti vırýsty juqtyrǵan. Ótken jyly bul kórsetkish 400-den aspaǵan edi. Buǵan deıin COVID-19-dy juqtyrǵan balalarda ınfeksıa aǵymy eresekterge qaraǵanda jeńil túrde ótetini habarlanǵan edi. Alaıda mamandar dál osy balalar vırýsty belsendi taratýshylar bolyp tabylatynyn alǵa tartýda.
Osy rette, amerıkalyq ǵalymdar 5 jastan asqan balalardy Pfizer vaksınasymen egýge ruqsat berip otyr. Mundaı sheshim 2 myńnan asa jetkinshekke jasalǵan zertteý jumysynan keıin qabyldanyp otyr. Synamanyń qorytyndysy 91 paıyzǵa jaqsy nátıje kórsetken.
«Balalar vırýsty eresekterge, ásirese, qarıalarǵa juqtyrýy múmkin. Sondaı-aq qurdastarynyń arasynda taraıdy. Amerıkada koronavırýstyń saldarynan júzdegen bala ómirimen qoshtasty. Sebebi vırýs juqqanda dert asqynyp, aýyr túrde ótedi, kishkentaı aǵza mundaı aýyrtpalyqty kótere almaı qalýy múmkin. Sondyqtan qarasha aıynyń ortasynan bastap AQSH bıligi 5 jastan asqan balalardy belsendi túrde egýdi bastamaq. Buǵan ata-analar da qarsylyq bildirip otyrǵan joq», – dedi Qazaqstan profılaktıkalyq medısına akademıasynyń prezıdenti Almaz Sharman.