Almatyda «Selınnyı» zamanaýı mádenıet ortalyǵynyń uıymdastyrýymen Korkut Sound jáne jańa mýzykalyq bıennale ótip jatyr.
Onyń baǵdarlamasyna qazaqstandyq jáne sheteldik artıserdiń qatysýymen úsh konsert, site-specific bes aýdıovızýaldy ınstallásıa men halyqaralyq sýretshilerdiń kórmesi kirgen. Kezekti konsertti almatylyqtar Halyq mýzykalyq aspaptary mýzeıinde tamashalady, dep habarlaıdy Almaty-akshamy.kz 24.kz-ke silteme jasap.
Aıta keteıik, «Selınnyı» ortalyǵy elimizdegi zamanaýı mádenıet pen ónerdi damytýǵa baǵyttalǵan alǵashqy jekemenshik ınstıtýsıa. Bıennale Qazaqstannyń biregeıligi men mádenıetiniń mańyzdy bóligi. Ol dybys pen mýzykaǵa degen qyzyǵýshylyqty arttyrady. Qorqyt ata arqyly qazaqtyń bolmysyn kórsetedi. Bul elimizde dybys ónerine qatysty osyndaı aýqymdaǵy birinshi shara.
«Korkut sound konsertinde óner kórsetetinderdiń qatarynda Darıa Nurtaza, Ádil Qumarna, Hýnsho Fan sıaqty mýzykanttar bar. Máselen, Darıa óziniń shyǵarmasyn Qorqyt memorıalyna baryp jazǵan. Onda saıyn dalanyń, jeldiń dybysyn estýge bolady. Elektrondy mýzykamen keremet úılesedi», - deıdi "Selınnyı" zamanaýı mádenıet ortalyǵynyń dırektory Jámılá Nurkalıeva.
Ónerde zamanaýı ádisterdi engize otyryp, mýzykany osylaı árleýge bolady. Bul qazirgi ýaqyt talaby. Biz jasandy ıntellekt múmkindigin qoldanyp jatyrmyz, deıdi dombyrashy Dáýlet Janshın.
«Sózben aıtyp jetkizý múmkin emes endi. Jasandy ıntellektpen mýzyka oınaý, mýzyka shyǵarý sol sátte ońaı sát demes dep oılaımyn. Mysaly, men 5-6 sekýnd mýzyka shyǵaram. Sol meniń mýzykamdy oınaǵan. Jasandy ıntellekt ary qaraı damytyp, óziniń ımprovızasıasyn qosady. Odan keıin men sol mýzykanyń sol ıntellektiniń mýzykasyn damytý kerek bolam. Solaı- solaı kete beredi», - deıdi dombyrashy Dáýlet Janshın.
Korkut dybys óneri jáne jańa mýzykalyq bıennale shara aıasynda sýret pen mýzykalyq aspaptar kórmesi de ótip jatyr. Installásıany botanıkalyq baqtan, ortalyq kórme zalynan jáne halyq mýzykalyq aspaptar mýzeıinen tamashalaýǵa bolady.