Kezdesý barysynda saýda-ekonomıkalyq jáne mádenı-gýmanıtarlyq yntymaqtastyq, sondaı-aq týrızm salasyndaǵy áriptestik máseleleri talqylandy, dep habarlaıdy Almaty-akshamy.kz.
Aǵymdaǵy jyldyń birinshi jartyjyldyǵynda Almaty men Túrkıa arasyndaǵy taýar aınalymy ótken jyldyń osy kezeńimen salystyrǵanda (294 mln dollar) 32,5%-ǵa ulǵaıyp, 380 mln dollardan asty. Qazaqstandaǵy túrik kapıtalynyń qatysýymen jumys isteıtin kompanıalardyń jartysynan kóbi Almatyda ornalasqan.
Kezdesý barysynda «Almaty qalasyn 2025 jylǵa deıin damytý baǵdarlamasy jáne 2030 jylǵa deıingi orta merzimdi perspektıvalar» boıynsha týrısik salany damytýǵa kóp kóńil bólinetini atap ótildi. Bodrýmnyń tanymal týrısik ortalyq retindegi tájirıbesi Almaty úshin paıdaly bolýy múmkin.
Kezdesýge qatysýshylar mádenı-gýmanıtarlyq yntymaqtastyqty damytýdyń mańyzdylyǵyn atap ótti. Almatyda «Ahyska» etnomádenı ortalyǵy jumys isteıdi, 30-dan astam mektepte túrik tili oqytylady, birlesken mádenı is-sharalar ótkiziledi.
Kezdesý qorytyndysy boıynsha taraptar perspektıvaly baǵyttar boıynsha ekijaqty yntymaqtastyqty damytý týraly ýaǵdalasty.