Jol apatynyń vıdeosy jelige tarady.
Qalalyq polısıa departamentinde jol apatynyń sebep-saldary aıtyldy, dep habarlaıdy Almaty-akshamy.kz QazAqparatqa silteme jasap.
19 shilde kúni, saǵat 19: 30 shamasynda HOWO markaly júk kóligin basqarǵan R. esimdi júrgizýshi Saın kóshesiniń boıymen batys baǵytta jáne Mustafın kóshesiniń kópiriniń astynda qashyqtyqty saqtamaǵandyqtan, Lexus LX 470 avtokóligimen soqtyǵysýǵa jol beredi. Alǵan soqqydan Lexus LX 470 avtokóligi ınersıa boıynsha Toyota Corolla jáne Toyota Camry avtokólikterimen soqtyǵysady. Toyota Camry avtokóligi bir baǵytta kele jatqan Toyota Camry avtokóligimen soqtyǵysady. Jol apaty nátıjesinde Lexus LX 470 kóliginiń jolaýshylary aýrýhanaǵa jetkizildi.
«Atalǵan jol-kólik oqıǵasyn Bostandyq aýdandyq polısıa basqarmasynyń qyzmetkerleri tergep jatyr», - dedi Almaty qalasynyń polısıa departamentiniń anyqtaý basqarmasynyń bastyǵy, polısıa podpolkovnıgi Oljas Sháripov.