Ótken aptada Eýropa óńirinde indet juqtyrǵandar 3 mıllıonǵa jýyqtaǵan.
Bul - álemdegi vırýs juqtyrǵandardyń jartysy, dep habarlaıdy Almaty-akshamy.kz COVID-19 taralýyna jol bermeý jónindegi VAK
Dúnıejúzilik densaýlyq saqtaý uıymynyń (DDU) Eýropalyq búrosynyń basshysy Hans Klúge koronavırýstyń «omıkron» shtammynyń kishi nusqalarynan týyndaǵan COVID-19-dyń jańa tolqyny týraly habarlady jáne Eýropa elderin vaksınasıa men betperde taǵýǵa qatysty jedel sharalar qabyldaýǵa shaqyrdy.
Onyń aıtýynsha, sońǵy alty aptada Eýropa óńirinde koronavırýs ınfeksıasyn juqtyrýdyń jańa jaǵdaılarynyń sany úsh ese ósti, al ótken aptada 3 mıllıonǵa jýyq jańa jaǵdaı tirkeldi, bul álemdegi barlyq jańa ınfeksıalardyń jartysyna jýyǵyn quraıdy. Hans Klúge sýyq aýa raıy jaqyndaǵan saıyn COVID qarqyndy taralatyndyǵyna da alańdaýshylyq bildirdi.
«Búgin DDU-nyń Eýropalyq aımaqtyq búrosy ınfeksıanyń aldaǵy tolqyndaryna daıyndalýǵa kómektesý úshin koronavırýs jáne basqa da tynys alý vırýstarymen kúresýdiń kúzgi-qysqy strategıasyn jarıalady. Áreket etý úshin kúzdiń kelýin kútsek, tym kesh bolady», - dedi búro dırektory.
Strategıa, atap aıtqanda, halyqty vaksınasıamen qamtýdy ulǵaıtýdy, «úı-jaılarda jáne qoǵamdyq kólikte betperde taǵýǵa yntalandyrýdy», jabyq úı-jaılardyń jeldetilýin kúsheıtýdi kózdeıdi.
Kalıfornıa ýnıversıtetiniń dárigeri koronavırýstyń BA.5 omıkron-shtammy kóbinese testtermen anyqtalmaıtynyn, olar jalǵan teris nátıje beretinin málimdedi. Bul ony erte kezeńde dıagnostıkalaýdy qıyndatady. Oǵan tamaqtyń qatty aýrýy tán.
Dáriger bul shtamm eń juqpaly bolýy múmkin ekenin atap ótti. Kontagıozdigi boıynsha ol basqa shtamdardan kem degende 20%-ke asyp túsedi.
Vırýs neǵurlym juqpaly bolsa, ony, ásirese, kópshilik arasynda juqtyrý ońaı. Sarapshylar adamzat koronavırýs adamdarmen máńgi qalady degen oıǵa úırenýi kerek, sondyqtan koronavırýs ınfeksıasynyń barlyq jańa kishi túrlerine ushyramaý úshin olardy vaksınasıalaýǵa shaqyrady.
Japondyqtardyń jartysynan kóbi koronavırýstyń jetinshi tolqynyna baılanysty shekteýler engizýdi jaqtaıdy.
Zertteýge sáıkes, respondentterdiń 22%-i shekteýlerdi qoldady, taǵy 35%-i belgili bir dárejede osy qajettilikpen kelisti. 13%-i shekteýlerge múldem qarsy, 24%-i belgili bir dárejede qarsy.
Saýalnama 16 shildeden bastap úsh kún ishinde 1216 adam arasynda telefon arqyly kezdeısoq kompúterlik irikteý ádisimen júrgizildi.
Sońǵy birneshe kúnde Kúnshyǵys elinde kovıdtiń jańa jaǵdaılarynyń sany boıynsha 100 myńnan asyp ketý birneshe ret tirkeldi. Ótken senbide ınfeksıalar sany boıynsha jańa kúndik antırekord ornatyldy.