Almatyda Nestlé taýar belgilerine quqyqtardy buza otyryp satylǵan kontrafaktilik ónim anyqtalyp tárkilendi, dep habarlaıdy aqshamnews.kz Almaty qalasynyń Ádilet departamentine silteme jasap.
Zıatkerlik menshik quqyqtaryn qorǵaý jáne tirkelgen taýar belgilerin zańsyz paıdalanýǵa jol bermeý maqsatynda Almaty qalasy Ádilet departamentiniń Zıatkerlik menshik quqyqtary bólimimen kásipkerlik sýbektisi «A»-ǵa qatysty jospardan tys tekserý júrgizildi.
Tekserýdi júrgizýge negiz bolǵan — halyqaralyq tanymal Nestlé taýar belgileriniń quqyq ıesi bolyp tabylatyn Societe des Produits Nestlé S.A. kompanıasynyń resmı ótinishi.
Tekserý nátıjesinde tutynýshylardy ónimniń shyǵý tegi týraly jańylystyratyn, túpnusqa taýar belgilerine uqsas dárejege deıin vızýaldy túrde uqsas jalǵan belgilerdi paıdalaný faktileri anyqtaldy.
İs-sharalar barysynda ýákiletti qyzmetkerlermen 29 000-nan astam jalǵan belgilermen tańbalanǵan shokolad batonchıkteri tárkilendi. Kórsetilgen ónim quqyq ıesiniń aıryqsha quqyqtaryn buza otyryp satylǵan jáne Qazaqstan Respýblıkasynyń Ákimshilik quqyq buzýshylyq týraly kodeksiniń 158-babynda kózdelgen ákimshilik quqyq buzýshylyq belgilerin qamtıdy.
İs materıaldary prosesýaldyq sheshim qabyldaý úshin sotqa joldanatyn bolady.
Almaty qalasynyń Ádilet departamenti kontrafaktilik ónim aınalymynyń jolyn kesý, quqyq ıeleriniń zańdy múddelerin qorǵaý jáne zıatkerlik menshik salasynda quqyqtyq tártipti nyǵaıtý boıynsha júıeli jumysyn jalǵastyrýda.