Almaty qalasynda ótken VII Halyqaralyq «Orteke» qýyrshaq teatrlary festıvaliniń saltanatty jabylý rásiminde Qazaqstanmen qatar Grýzıa, Túrkıa, Ózbekstan jáne Ázerbaıjannan kelgen kásibı qýyrshaq teatrlary óner kórsetti, dep habarlaıdy aqshamnews.kz
Bes kún boıy qatysýshylar úzdik qoıylymdardy kórermen nazaryna usyndy. Festıvál aıasynda atalǵan elderdiń rejıserleri, akterleri, teatrtanýshylary men sarapshylarynyń qatysýymen dóńgelek ústel ótti. Onda qýyrshaq teatrynyń damýy boıynsha ózekti máseleler, teatr syny, dástúr men zamanaýı kórkemdik tásilderdiń ózara baılanysy talqylandy.
Festıváldiń qazylar alqasy quramyna Qazaqstan, Moldova, Tájikstan jáne Túrkıadan kelgen sarapshylar kirdi.
Festıvál jeńimpazdary túrli nomınasıalar boıynsha anyqtaldy. Atap aıtsaq, «Eń úzdik spektákl» nomınasıasy boıynsha Almaty qalasynyń Memlekettik qýyrshaq teatry (Qazaqstan) N. Gogoldiń shyǵarmasy boıynsha qoıylǵan «Shekpen» spektakli, «Eń úzdik rejıserlik jumys» nomınasıasy boıynsha Dımıtrıı Hvtısıashvılı men Gıa Marganıanı, Nodar Dýmbadze atyndaǵy Memlekettik kásibı jastar teatry (Grýzıa) «Otello» spektakli, «Eń úzdik akterlik jumys» nomınasıasy brıynsha Erjan Bıǵashev, Mańǵystaý oblystyq qýyrshaq teatrynyń akteri (Qazaqstan) – Iý. Pospelovanyń pesasy boıynsha qoıylǵan «Dos izdeımin» spektakli, «Eń úzdik sýretshi jumysy» nomınasıasymen Batýmı Memlekettik kásibı qýyrshaq jáne jastar teatry (Grýzıa) «Otbasy» spektakli, (senografıasy I. Kıkvadze men N. Sabashvılıdiki) «Eń úzdik akterlik ansámbl» atalymy boıynsha Qostanaı oblystyq qýyrshaq teatry (Qazaqstan) Nıkoloz Sabashvılıdiń pesasy boıynsha qoıylǵan «MEN…» spektakli marapattaldy.
«Orteke» festıvali taǵy bir márte teatr óneriniń damýyna jáne mádenıetter arasyndaǵy baılanysty nyǵaıtýǵa yqpal etetin halyqaralyq mádenı alańǵa aınaldy.