30 tamyzda Almatyda júgirý, skandınavıalyq júrý, tas jol men MTB velojarysy kiretin «Alatau Run» keshendi sporttyq is-sharasy ótedi.
14 jastan 60 jasqa deıingi bes jas sanatyna keminde 1000 sportshy men áýesqoılardyń qatysýy kútilýde.
Sóre «Medeý» muz aıdynynyń kólik turaǵynda, máre "Gorelnık" ortalyǵy jáne «Shymbulaq» taý shańǵysy kesheninde ornalasqan. Bastapqy núkteden márege deıingi naqty qashyqtyq 7 km, bıiktik 680 m quraıdy.
Jarys aıasynda sporttyq-oıyn-saýyq baǵdarlamasy jáne júldeler utys oıyny josparlanýda. Ár jas sanatyndaǵy jeńimpazdar qashyqtyqtan ótýdiń eń jaqsy ýaqyty boıynsha erler men áıelder arasynda bólek anyqtalyp, medaldarmen, gramotalarmen jáne baǵaly syılyqtarmen marapattalady.
Ótetin kúni men orny: 30 tamyz saǵat 07: 00-de, «Medeý» SK turaǵy