Festıválde Qazaqstan, Qytaı, Reseı jáne basqa elderden halyq aspaptaryn meńgergen sheberler, oryndaýshylar men zertteýshiler bas qosady.
2025 jyldyń 22–23 sáýir aralyǵynda Qurmanǵazy atyndaǵy Qazaq ulttyq konservatorıasynda «Kóne aspaptar sherýi» halyqaralyq fólklorlyq mýzyka festıvali ótedi, dep habarlaıdy aqshamnews.kz
İs-sharanyń maqsaty – qazaqtyń baı mýzyka mádenıeti men tereńdigin kórsetetin aspaptyq oryndaýshylyqtyń sırek kezdesetin jáne umyt bolyp bara jatqan dástúrin saqtaý jáne nasıhattaý. Festıvál urpaqtar sabaqtastyǵy, mádenıetter men oryndaýshylyq mektepter arasyndaǵy dıalog úshin erekshe alańǵa aınalady.
Baǵdarlamada aspaptardyń jasalý tehnologıasy men tarıhy týraly sheberlik sabaqtar men arnaıy dárister, fólklorlyq aspaptardy saqtaý jáne óndirý máseleleri boıynsha dóńgelek ústel, shyǵarmashylyq kezdesýler, ustazdar, stýdentter jáne shaqyrylǵan oryndaýshylardyń qatysýymen konsertter uıymdastyrylady.