Múnhen tehnıkalyq ýnıversıtetiniń (Germanıa) ǵalymdary Amaropostia stiptica sańyraýqulaǵynan buryn belgisiz bolyp kelgen úsh ashshy qosylysty tapty.
Mine, solardyń biri planetadaǵy eń ashshy zat bolýy múmkin, dep habarlaıdy aqshamnews.kz.
Bul jaıynda islam.kz portaly Journal of Agricultural and Food Chemistry (JAFC) merzimdi basylymyna silteme jasaı otyryp málim etedi, dep habarlaıdy aqshamnews.kz.
Ashshy dám ádette taǵamnyń qaýiptiliginen habar beretin qorǵaýshy tetik retinde sanalatyn. Alaıda, jańa sańyraýqulaq óte ashshylyǵyna qaramastan ýly emes, ıaǵnı, zıansyz bolyp shyqty. Nemis ǵalymdary olıgoporın D. dep atalatyn zatty bólip shyǵardy. Onyń ashshylyǵy sonshalyqty – bir túıiriniń ózi 2,5 mln lıtr sý sıatyn olımpıadıalyq haýyz sýdy ashshy etedi. Ǵalymdar bul baǵytta dám jasýshalarynda bólingen qospalardy synap kórdi jáne olardyń árqaısysy keminde adamnyń 25 ashshy reseptorlardyń bireýin belsendiretinin anyqtady.
Ásirese, ashshy zattardy tanýǵa jaýap beretin TAS2R46 reseptorynyń belsendiligi kúrt artqan. Osy kúnge deıin ǵalymdar negizinen ósimdikter men sıntetıkalyq zattardyń ashshylyǵyn zerttep kelgen edi, al sańyraýqulaqtar, bakterıalar men janýarlar nazardan tys qalǵan bolatyn. Jańa derek 500 mln jyl buryn - gúldi ósimdikterden buryn paıda bolǵan dámdik reseptorlardyń evolúsıasyn túsinýge kómektesedi.