2023 jylǵy 10 naýryzda saǵat 10:00-den bastap qalanyń jalpy bilim beretin mektepterinde ulttyq sport túrleri boıynsha aýdandyq oıyndar ótedi.
Sondaı-aq 11 naýryzda saǵat 12:00-de Almaty qalasynyń jańadan qurylǵan mektep lıgalary sheńberinde basketboldan irikteý oıyny josparlanýda, dep habarlaıdy Almaty-akshamy.kz.
Almaty qalasynyń ákimi E. Dosaevtyń tapsyrmasy boıynsha 2023 jyldyń qańtar aıynda sport basqarmasy buqaralyq sportty damytý jáne jastar arasynda salaýatty ómir saltyn nasıhattaý maqsatynda komandalyq sport túrleri: shaǵyn fýtbol, basketbol jáne voleıbol, sondaı-aq ulttyq sport túrleri: asyq atý, bes asyq, arqan tartý, buqa tartý jáne qazaq kúresi boıynsha mektep lıgalaryn qurdy.
Aǵymdaǵy jyldyń 1 naýryzynda oqýshylar arasynda ulttyq sport túrleri boıynsha Naýryz merekesine oraılastyrylǵan festıvál bastaldy. Festıvál baǵdarlamasyna sporttyń 6 túri (toǵyz qumalaq, asyq atý, bes asyq, arqan tartý, buqa tartý, qazaqsha kúres) boıynsha jarystar kiredi. Sporttyq is-sharaǵa 214 mektepten 7 600-den astam oqýshy tartyldy. Qazirgi ýaqytta aýdandyq deńgeıdegi oıyndar ótýde. Fınaldyq kezeń 2023 jyldyń 21 naýryzynda "Astana" alańynda ótedi.