Almaty-1 stansıasyndaǵy jelilik polısıa basqarmasy esirtki bıznesine qarsy is-qımyl bóliminiń qyzmetkerleri elimizde ótip jatqan “Qarasora” jáne “Quqyqtyq tártip” profılaktıkalyq is-sharalarynyń aıasynda esirki zatyn zańsyz saqtady degen kúdikpen 31 jastaǵy kúdiktini ustady, dep habarlaıdy Almaty-akshamy.kz Polisia.kz-ke silteme jasap.
2024 jyldyń 3 maýsymy kúni saǵat 00:40-ta atalǵan bólim qyzmetkerleri Almaty-1 vokzalynda I. atty azamattyń qol sómkesin jáne onyń turǵyn úıin tekserý barysynda iri kólemde esirtki zattary tárkilep, QR QK-niń 296-babynyń 4-bólimi boıynsha kvalıkasıalanýda. I-dan jaýap alý kezinde ol atalǵan zattardy 2 maýsym túngi saǵat 23:00 shamasynda Túrksib aýdanynyń aýmaǵynda kele jatyp, jerden taýyp alǵanyn aıtty. Azamat I-dyń esirtkige táýeldi jáne turǵylyqty jeri boıynsha dıspanserlik esepte turatyny jáne Almaty qalasy turǵyny ekeni anyqtaldy.
Bul fakt QR Qylmystyq kodeksiniń 296-baby 2-bóligi boıynsha sotqa deıingi tergeý tizimine tirkelip, tabylǵan zattarǵa sot-hımıalyq saraptama taǵaıyndaldy. Saraptama qorytyndysyna sáıkes, azamat I-den tabylǵan zattardyń psıhotropty zattar ekeni anyqtaldy. QR QİJK 201-babyna sáıkes basqa málimetter jarıalaýǵa jatpaıdy.