Almatylyq «Selınnyı» kınoteatry kópfýnksıonaldy zamanaýı óner ordasyna aınalýda. Bul týraly aqshamnews.kz saıty habarlaıdy.
1964 jyly salynǵan ǵımarat Qazaqstandaǵy alǵashqy táýelsiz zamanaýı óner ordasy bolady. Munda kórmeler, konsertter, kıno kórsetilimderi jáne túrli shyǵarmashylyq is-sharalar ótedi.
Joba áıgili brıtandyq sáýletshi Asıf Hannyń jetekshiligimen júzege asýda. Ol ǵımarattyń negizgi arhıtektýralyq erekshelikterin saqtaı otyryp, ony zamanaýı standarttarǵa saı beıimdedi. Jańartý jumystary 2018 jyly bastalǵanymen, pandemıa saldarynan sozylyp ketti.
Ǵımarattyń tolqyndy pishindegi qasbeti arnaıy fıbrobetonmen qaptalyp, petroglıfterge uqsas bederli elementtermen árlenedi. Asıf Hannyń aıtýynsha, bul sheshim sýretshi Evgenıı Sıdorkınniń keńestik kezeńdegi keskindemelik shyǵarmasyna negizdelgen, ol qazaqtyń dástúrli turmysyn beınelegen.
"Meniń maqsatym – tek keńestik kınoteatrdy qalpyna keltirý ǵana emes, eshqashan bolmaǵan «Selınnyıdy» ashý. Bul bolashaq urpaqtyń óneri men shyǵarmashylyǵy úshin jasalǵan keńistik. Zamanaýı ıdeıalar men fýtýrısik dızaın úılesken bul mekeme Ortalyq Azıa sýretshileri úshin erekshe múmkindik bolady", – deıdi Asıf Han.
Ortalyqta:
Qazaqstandyq jáne ortalyqazıalyq sýretshilerdiń jumystaryn qoldaý;
Galereıa, kitaphana, sheberhana jáne kitap dúkenin ornalastyrý;
Bıik tóbeli, keń zaldary men panoramalyq terezeleri bar shyǵarmashylyq keńistik jasaý josparlanǵan.
«Selınnyı» mádenı ortalyǵy bıyl kóktemde ashylady.