«Almaty qalasy Qoǵamdyq densaýlyq saqtaý basqarmasy» 2015 jylǵy 25 qarashadaǵy №725 «Memlekettik-jekemenshik áriptestik jobalaryn josparlaý jáne iske asyrý qaǵıdalarynyń» 133-tarmaǵyna sáıkes iske asyrýǵa múddeli balamaly usynystardy tartý maqsatynda kásipkerlik sýbektilerdi, qarjy jáne basqa da uıymdaryn memlekettik-jekemenshik áriptestik jobasynyń «Almaty qalasynda klınıkalyq-dıagnostıkalyq jáne bakterıologıalyq zerthana ashý» jobasynyń (budan ári – MJÁ jobasy) bastalǵany týraly habardar etedi.
1. MJÁ jobasyn iske asyrý sharttary:
1.1. Smetalyq ınvestısıa 663 000 myń teńgeni quraıdy, buǵan zerthanalyq qural-jabdyqty satyp alý, jalpy aýdany 600 m² úı-jaıdy jóndeý, uıymdastyrý tehnıkasyn, qajetti materıaldar men reagentterdi satyp alý kiredi.
1.2. MJÁ shartynyń túri – kontrakt.
1.3. İske asyrý merzimi – 7 jyl (84 aı).
1.4. Memlekettik áriptes kelesini júzege asyrady:
– Almaty qalasy ákimdigi Densaýlyq saqtaý basqarmasy SHJQ «№4 qalalyq klınıkalyq aýrýhanasy» MKK bazasynda klınıkalyq-dıagnostıkalyq zerthana qurý úshin úı-jaı men jabdyqty óteýsiz paıdalanýǵa berý;
– Almaty qalasy ákimdigi Densaýlyq saqtaý basqarmasy SHJQ «№4 qalalyq klınıkalyq aýrýhanasy» MKK-den tegin medısınalyq qyzmettiń kepildik berilgen kólemine engizilgen dıagnostıkalyq qyzmetterge aqy tóleý.
1.5. Dıagnostıkalyq jabdyq: Jabdyq áleýetti jeke serikteske tıesili bolýy kerek.
1.6. Dıagnostıkalyq jabdyq jańa bolýy kerek, ıaǵnı paıdalanylmaǵan, jańartylǵan jáne/nemese paıdalanylǵan bólshekteri men jınaqtary joq, túpnusqalyq qaptamada bolýy kerek.
Dıagnostıkalyq jabdyq úshinshi tulǵanyń quqyǵynan bos bolýy kerek.
2. MJÁ jobasyn iske asyrý orny – Almaty qalasy SHJQ «№4 qalalyq klınıkalyq aýrýhana» MKK.
3. MJÁ jobasynyń máni: SHJQ «№4 qalalyq klınıkalyq aýrýhana» MKK bazasynda «kilt» jabdyqtary bar zamanaýı klınıkalyq-dıagnostıkalyq jáne bakterıologıalyq zerthana qurý jáne dıagnostıkalyq qyzmetterdi kórsetý.
4. Beriletin dıagnostıkalyq jabdyqqa qoıylatyn talaptar:
– jabdyq tolyq avtomattandyrylǵan bolýy kerek;
– joǵary ónimdi;
– testerdiń keń mázirimen;
– úlgiler aǵynyn ólsheý kezinde de, avarıalyq úlgilerdi ólsheý kezinde de joǵary sapaly nátıjeler kórsetip, paıdalaný ońaı bolý kerek.
5. MJÁ jobasyn iske asyrýǵa múddeli áleýetti jeke áriptester ózderi týraly negizgi aqparatty kórsete otyryp, osyndaı jobany iske asyrý múmkindigi týraly balamaly usynysty, onyń ishinde:
– áleýetti jeke seriktestiń aty-jóni men mekenjaıy;
– memlekettik tıesiligi (zańdy tulǵalar úshin), azamattyǵy (jeke tulǵalar úshin);
– zańdy tulǵalardyń basshylary men menshik ıeleri jáne áleýetti jeke áriptesti bildiretin tulǵalar týraly málimet;
– hırýrgıalyq jabdyqqa menshik quqyǵyn rastaıtyn qujattar.
6. Áleýetti jeke áriptesterge qoıylatyn talaptar: Zańnyń 32-babynda aıqyndalǵan jalpy biliktilik talaptaryna, sondaı-aq densaýlyq saqtaý salasyndaǵy zańnamanyń talaptaryna sáıkes kelý úshin áleýetti jeke áriptes qyzmetkerleriniń halyqaralyq uıymdardan zerthana salasyndaǵy sapa menedjmenti sertıfıkattary bolýy tıis (WHO Dúnıejúzilik densaýlyq saqtaý uıymy, CLCI klınıkalyq jáne zerthanalyq standarttar ınstıtýty).
Áleýetti jeke seriktes DDSU tálimgerleri úshin usynylǵan SARS-CoV-2 synaq zerthanalarynyń tiziminde bolýy kerek.
Qujat qabyldaýdyń sońǵy merzimi 2022 jyldyń 18 qyrkúıegine deıin.
Jobaǵa qatysýǵa qyzyǵýshylyq tanytsańyz, tolyǵyraq aqparat alý úshin «Almaty qalasy Qoǵamdyq densaýlyq saqtaý basqarmasy» MM-ne myna mekenjaı boıynsha habarlasýǵa bolady:
Telefon: +7 (727) 228-80-14; e-mail: praliev1972@mail.ru
Mekenjaıy: Almaty qalasy, Seıfýllın dańǵyly, 555.
Ýákiletti tulǵa – Pralıev Talǵat Muratuly.