Sharaǵa álemniń 18 elinen 211 kompanıa qatysady.
Almatyda 20-21 sáýirde «Týrızm jáne saıahat» - «KITF» XX qazaqstandyq halyqaralyq kórmesi ashyldy, dep habarlaıdy Almaty-akshamy.kz.
KITF kórmesi Ortalyq Azıadaǵy B2B iri salalyq is-shara bolyp tabylady, onyń kórsetkishteri jyldan jylǵa artyp keledi. Bıyl kórmege álemniń 18 elinen 211 kompanıa qatysady (Ázirbaıjan, Belarýs, Germanıa, Grýzıa, Úndistan, Indonezıa, Italıa, Ispanıa, Qazaqstan, Malaızıa, BAÁ, Polsha, Slovenıa, Taıland, Túrkıa, Ońtústik Koreıa, Ózbekstan, Japonıa). Joba úshin mereıli jyly Antaal Life, EcoPark Tour, KOMPAS Touroperator, SCAT, AIR ASTANA, Qaztýr, Trip to the KZ jáne basqa da kóptegen kompanıalar ózderiniń qatysatyndaryn málimdedi.
KITF kórmesine qatysý jaqyn ornalasqan elderdiń týrısik kompanıalary jáne týragenttikter úshin perspektıvaly sheshim bolyp tabylady. Qazaqstanmen vızasyz rejım, geografıalyq jaqyndyqtyń bolýy jáne tildik kederginiń bolmaýy kórshi elderdegi kompanıalardyń qatysýy úshin obektıvti sebepter bolýy múmkin. Kórme sheńberinde aýqymdy iskerlik baǵdarlama ótedi, onyń is-sharalary ózekti salalyq máselelerdi tikeleı kelissózder, netvorkıng jáne kásibı tájirıbe almasý formatynda talqylaýǵa kómektesedi.
«Almaty – Qazaqstannyń eń iri megapolısi jáne kelgen sheteldik týrıser sany boıynsha absolúttik kóshbasshy. Qala iskerlik, ekologıalyq, mádenı-etnografıalyq, taý shańǵysy týrızmin, sondaı-aq otbasylyq demalysty damytý úshin úlken múmkindikterge ıe. Qazaqstanǵa kelgen árbir ekinshi sheteldik týrısiń Almatyǵa keletinin aıta ketý kerek. Ótken jyly týrıser sany 65%-ǵa ósip, 1,2 mln týrıske jetti, bul respýblıkalyq kórsetkishtiń besten bir bóligi - 5,4 mln adam. 2025 jylǵa qaraı 2,3 mln týrıs tartýdy josparlap otyrmyz», - dedi Almaty qalasy týrızm basqarmasynyń basshysy Sabına Amangeldi.
2021 jyldyń qorytyndysy boıynsha, Almaty qalasynda týrızm salasynda kórsetilgen qyzmetter kólemi 27,9 mlrd teńgeni qurady, bul 2020 jyldyń kórsetkishimen salystyrǵanda 66%-ǵa artyq. Týrızm salasyna ınvestısıa kólemi 46,3% ósimmen 100,7 mlrd teńgeni qurady.