Bul vıdeo áleýmettik jelige jarıalandy.
Polısıa bolǵan jaǵdaıǵa qatysty tekseris júrgizetinin aıtty, dep habarlaıdy Almaty-akshamy.kz
Vıdeoda aq Hyundai markaly avtokóliktiń rólinde kishkentaı balanyń otyrǵanyn kórinedi. Ol júrgizýshiniń aldynda otyrsa kerek. Vıdeo avtorynyń aıtýynsha, bul Almatyda Ál-Farabı kóshesinde bolǵan jaǵdaı.
Jelide taraǵan vıdeony kórgen jurt jaǵasyn ustady. Olar balany rólge otyrǵyzǵan ata-anany ata-ana quqyǵynan aıyrý keregin aıtty.
“Kólik kenet toqtasa bala rólge soǵylady. Júrgizýshiniń qamaý kerek”, “Mundaılardy ata-ana quqyǵynan aıyrý kerek”, “Ózińmen qoımaı balanyń, odan bólek basqa adamdardyń ómirine qaýip tóndirýdiń qajeti ne?”, “Aıyppul salý kerek, jurgizýshi kýáliginen aıyrsa tipti jaqsy”, – dep jazdy jelidegiler.
Jol qozǵalysynda tártip buzǵandardyń bul áreketine qatysty Almaty polısıasy túsinikteme berdi.
“Almaty qalalyq polısıa departamenti bul derek boıynsha jergilikti polısıa qyzmetiniń jedel izdestirý bólimi tergeý júrgizip jatqanyn málimdedi. Balasyna kólik júrgizýge ruqsat bergen jaýapsyz ata-ana mindetti túrde anyqtalyp, jaýapqa tartylady”, – delingen habarlamada.