«KIOF» halyqaralyq ańshylyq, balyq aýlaý jáne belsendi demalys kórmesi (Kazakhstan International OUTDOOR FAIR) 2023 jylǵy 27-30 sáýirde «Atakent» kórme ortalyǵynda, №9 pavılonda ótedi.
İs-sharany Almaty qalasy ákimdiginiń, QR EGTRM orman sharýashylyǵy jáne janýarlar dúnıesi komıtetiniń, «Karavanerov» qaýymdastyǵynyń, «Central Asia Trade Exhibition» JSHS aqparattyq qoldaýymen «Qansonar» ańshylardyń qoǵamdyq birlestikteri men ańshylyq sharýashylyǵy sýbektileriniń qaýymdastyǵy uıymdastyrady, dep habarlaıdy Almaty-akshamy.kz
Almatyda «KIOF» halyqaralyq ańshylyq, balyq aýlaý jáne belsendi demalys kórmesi tórtinshi ret ótedi. Kórme áýesqoılar men kásipqoılar arasynda keń tanylǵan.
Bıyl 50-den astam kompanıa ańshylyq, balyq aýlaý jáne belsendi demalystyń jańa maýsymyna taýarlaryn usynady. Ekspozısıaǵa ańshylyq, balyq aýlaý jabdyqtary men kerek-jaraqtary, arnaıy jabdyqtar, tehnıkalyq jáne kólik quraldary, balyq aýlaý jáne ańshylyq týrızmi, belsendi demalys, taqyryptyq ádebıetter, kádesyı men tabıǵat tartýy syndy úzdik taýarlar men qyzmetter kórsetiledi. Pavılonda qaıyq, keme, motorlar, jol talǵamaıtyn kólikter jáne balyq pen ań aýlaýǵa arnalǵan basqa da tehnıkalar qoıylady.
Kórme pikirtalasqa, qarym-qatynasqa jáne jańa seriktester tabýǵa jol ashady. İs-shara kezinde balyq aýlaý ilgegin baılaý, qaltqy jasaý, joldorbany saparǵa daıyndaý, jabaıy úırekterdi ajyratý jarysy jáne oıyn-saýyq jáne oqytý is-sharasy ótedi.
BAQ úshin baılanys: + 7 777 588 88 87, Baýyrjan Ospanov, «Qansonar» ańshylardyń qoǵamdyq birlestikteri men ańshylyq sharýashylyǵy sýbektileriniń qaýymdastyǵy