Almatyda 2021 jyldyń 7 aıynda 55 myń adam áleýmettik tólemniń 17 túrimen qamtyldy. Qoldaýdyń bir túri – ataýly áleýmettik kómek. Áleýmettik ál-aýqat basqarmasynyń basshysy Nazıra Toǵyzbaeva Óńirlik komýnıkasıalar qyzmetiniń brıfıńinde megapolıste AÁK-ti kim qabyldaıtynyn aıtty, dep habarlaıdy almaty-akshamy.kz
Nazıra Toǵyzbaeva atap ótkendeı, ataýly áleýmettik kómek otbasynyń ár múshesine shaqqandaǵy tabys eń tómengi kúnkóris deńgeıiniń 70%-ynan (27 112 teńge) aspaıtyn otbasylarǵa tólenedi.
«AÁK-tiń negizgi alýshylary – balaly otbasylar, jalaqysy tómen jumys isteıtin azamattar, zeınetkerlerge, múgedekterge jáne basqa da muqtaj jandarǵa qaraıtyn otbasylar. AÁK mindeti – jumysqa ornalasý jáne qıyn ómirlik jaǵdaıdan shyǵý. Sondyqtan olar jumyspen qamtý ortalyǵyna jiberiledi, bul olardyń materıaldyq jaǵdaıyn jaqsartýǵa múmkindik beredi», - dedi áleýmettik ál-aýqat basqarmasynyń basshysy.
2021 jyldyń 7 aıynda AÁK Almaty qalasynyń 22,7 myń az qamtylǵan azamattaryna 1,1 mlrd teńge kóleminde kómek kórsetildi.
«2020 jyldan bastap 1 jastan 6 jasqa deıingi balalary bar AÁK alýshylarǵa gıgıenalyq quraldar, turmystyq hımıa men balalar taǵamdary kiretin kepildendirilgen áleýmettik paket beriledi. Joba Magnum saýda jelileri arqyly júzege asady. Kelisimshart somasy 8 656 balany qamtamasyz etý úshin 607 mln teńgeni quraıdy. Búginde 5,5 myń bala qamtamasyz etildi», - dep qosty Nazıra Toǵyzbaeva.
Sonymen qatar, AÁK alýshylaryna teledıdar men gaz jabdyǵy beriledi. Taǵy 27 myń adamǵa 1,8 mlrd teńgege áleýmettik tólemniń basqa túrleri usynylady.
Sonymen qatar, áleýmettik ál-aýqat basqarmasy az qamtylǵan otbasylarǵa, kóp balaly otbasylarǵa, jalǵyzbasty zeınetkerlerge, múgedek balalary bar otbasylarǵa qaıyrymdylyq kómek kórsetý úshin demeýshilermen, mesenattarmen jáne jurtshylyqpen belsendi jumys jasaıdy.
Jyl basynan beri 127 867 otbasy qaıyrymdylyq kómekpen qamtyldy, olarǵa kıim, aıaq kıim, turmystyq tehnıka, ystyq tamaq, múgedek arbalary, sport klýbtaryna jazylý jáne taǵy basqalar berildi.
Nazıra Toǵyzbaeva muqtaj jandarǵa kómek kórsetkeni úshin almatylyq kásiporyndar men uıymdarǵa alǵysyn bildirdi. Olardyń ishinde: «Almaty SOS» qoǵamdyq qory, «Eriktiler lıgasy», «ProPlastik» JSHS, «Lıga dobra» JU, «Istokı Dobra» QQ, «Halyq» QQ, «Turkuaz» JSHS, «Tema Retail» JSHS jáne t.b. bar.