Almaty ákimdiginiń qoldaýymen Dota 2, CS2 jáne FC 25 boıynsha respýblıkalyq týrnır uıymdastyrylady
24 mamyr kúni Almatydaǵy «FORUM» saýda oıyn-saýyq ortalyǵynda (Seıfýllın dańǵyly, 617) geımıng, kıbersport jáne sıfrlyq mádenıet jankúıerlerine arnalǵan is-shara – Almaty Cyber Games Media & Cup 2025 ótedi.
Joba úshinshi ret ótkizilip otyr jáne Qazaqstannyń Ortalyq Azıadaǵy sıfrlyq sport ortalyǵy retindegi mártebesin nyǵaıtyp keledi.
İs-shara aıasynda elimizdiń túkpir-túkpirinen kelgen myqty oıynshylar men jankúıerler bas qosatyn respýblıkalyq týrnır ótedi. Bıyl Counter-Strike 2 oıyny boıynsha medıalyq týrnırge basa nazar aýdarylyp otyr. Onda tanymal blogerler, akterler, strımerler men mýzykanttar baq synaıdy.
Qatysýshylar júlde qory úshin ǵana emes, sonymen qatar, halyqaralyq deńgeıdegi ACG International týrnırine joldama alý úshin de jarysady. Týrnır Dota 2, Counter-Strike 2 jáne FC 25 syndy úsh negizgi oıyn boıynsha ótedi.
ACG jobasynyń basty maqsatynyń biri eldegi sıfrlyq ınfraqurylymdy damytý. Kıbersport – sıfrlyq transformasıanyń mańyzdy kórsetkishi ǵana emes, sonymen birge IT men jańa tehnologıalarǵa ınvestısıa salýǵa tartymdy sala.
Almatylyqtar men qala qonaqtary 24 mamyr kúni saǵat 10:00-den 20:00-ge deıin sıfrlyq bolashaqtyń atmosferasyna enip, zamanaýı tehnologıanyń múmkindikterimen tanysa alady.
İs-sharany iPlay Esports jáne Ulttyq stýdenttik kıbersport qaýymdastyǵy (NESA) Almaty qalasy ákimdiginiń Sıfrlandyrý basqarmasynyń qoldaýymen uıymdastyryp otyr.