"Almaty" ÁKK-niń enshiles uıymy, "Almaty Finance" JSHS Almatyda kezekti shaǵyn ónerkásip parkin (SHÓP) salýǵa nesıe jelisin ashty. Jobany qarjylandyrý "Almaty Business – 2025" kásipkerlikti damytýdyń óńirlik baǵdarlamasy sheńberinde júzege asyrylýda. Nesıe jelisiniń somasy jyldyq 6% mólsherleme boıynsha 500 mln teńgeni qurady, dep habarlaıdy almaty-akshamy.kz.
Jobany "MIRUS Company" JSHS júzege asyrýda. Nesıe jelisin ashý kezinde jobaǵa salynǵan ınvestısıa kólemi 200 mln teńgege jetti.
Aýdany shamamen 5 000 m² quraıtyn SHÓP Almaty Indýstrıalyq aımaǵynyń aýmaǵynda 2025 jyldyń qańtarynda paıda bolady. Qurylys aıaqtalǵannan keıin SHÓP-te 5-ten 10-ǵa deıin qazaqstandyq kásiporyn ornalasady, onda 400-ge jýyq jumys orny ashylady. Alańdar bızneske jeńildetilgen sharttarmen – m² úshin 1 350 teńgege deıin jalǵa beriledi. Sondaı-aq olardy m² úshin 180 000 teńge baǵasymen keıinnen satyp alýǵa ruqsat beriledi.
"SHÓP - bul shaǵyn jáne orta kásipkerlik sýbektilerin óndiristi iske qosýǵa daıyn oryn-jaılarmen qamtamasyz etetin aýmaq. Qazirgi ýaqytta Almaty aýmaǵynda 30-dan astam shaǵyn ónerkásip parki jumys isteıdi, onyń 11-in "Almaty Finance" JSHS qarjylandyrdy. "Almaty Business – 2025" baǵdarlamasy aıasynda mundaı jobalardy qarjylandyrý jyldyq 6%* mólsherlemesi boıynsha jeńildikti sharttarmen júzege asyrylady", - dep atap ótti "Almaty Finance" JSHS Basqarma tóraǵasynyń orynbasary Juldyz Igenov.
Jyldyq tıimdi syıaqy mólsherlemesi jeke esepteledi