Ol Almatydaǵy Balýan Sholaq atyndaǵy Sport saraıynda ótedi. Bul aıtýly hám dástúrli jarystyń qurmetti qonaǵy - Fedor Emelánenko.
Álemge «sońǵy ımperator» degen laqap atpen tanys bolǵan dańqty sporty «Alash Praıdtyń» negizin qalaǵan Danıar Qasqaraýovtyń shaqyrtýymen kelgeni belgili. Álbette úlken jarystarǵa shaqyrylatyn qonaqtar bolady. Olar keletin eliniń sporttyq áleýetin, uıymdastyrýshylardyń aty men soıyn, sheberligi men dárejesin de baǵamdaıdy. Sol sebepti jarystyń da salmaǵy, deńgeıi arta túsedi.
Sýret: sportplustv.kz
Osyǵan deıin de dúbirli dodalar uıymdastyrǵan Májilis depýtaty elimizdegi sport salasyn, onyń ishinde jekpe-jek túrlerin damytýǵa erekshe úles qosyp júr. Osylaısha qazaqtyń dańqyn dúnıejúzine tanytýǵa, el sportynyń eńsesin kóterýge kúsh-júgerin jumsap, halqymyzdyń sporttyq abyroıyn oń yqpal etip keledi. Óıtkeni buǵan deıin de respýblıkalyq, halyqaralyq jarystardyń jalaýyn jelbiretip, myqty jigitterdiń tanylýyna, shet elderde baq synaýyna septigin tıgizgen. Eń bastysy osy sharalarǵa memlekettin qarjy bólinbeıdi. Kerisinshe bedeldiń artýyna, týrıser tartýyna, aıtýly dodalardyń ótýine jol ashady. Jaqsynyń jaqsylyǵyn aıtpaı ketýge bolmas. Kúresker tek qana rıng pen totamıde emes, halyq isine de etene aralasatyny anyq. Keshegi Mustafa Óztúrik, búgingi aǵa býyn Dáýlet Turlyhanovtar syndy Danıar Aldabergenuly da óziniń kásibı jumysynan bólek, el turǵyndarynyń áleýmettik jaǵdaıynyń da jaqsarǵanyn qalaıdy.
Almaty aımaǵynan saılanǵan halyq qalaýlysy qalanyń tóńireginde ornalasqan eldi mekenderdiń ınfraqurylymdyq máselelerin, aýyz sý, jol men gazǵa baılanysty túıtkilderin bıik minberlerden kóterip, olardyń oń sheshilýine árdaıym uıytqy bolyp júr. Jaqynda ǵana tutas memleketti ábigerge túsirgen sý tasqyny kezinde de Atyraý oblysyna, onyń ishinde kóp zardap shekken Qulsary eldi mekenine arnaıy baryp qaıtty. El basyna kún týyp, er etigimen sý keshken kezeńde, qol qýsyryp qalǵan jan balasy joq. Kishkentaı bala, eńkeıgen kárige deıin syn saǵatta tize biriktirdi. Judyryqtaı jumylǵan turǵyndarǵa jan-jaqty qoldaý jasaldy. Osy qıyn kezeńde bilek sybanyp jumys atqarǵandar qatarynda da «Alash Pride» basshylary bastap, QU Dúngender Halyq birligi, Masanshy jastary da bar bolatyn. Olar Qulsaryǵa arnaıy baryp, jaǵdaıdy kózben kórdi. Júz tonna gýmanıtarldyq kómekterin aparyp, jurtqa teńdeı bólip bergen. Almatydan aspazdar aparyp, topan sýmen kúresken Qulsarylyq aǵaıynǵa dastarhan jaıyp, iri qara mal jyǵyp, as berdi. Odan kele salyp Alash Pride FC 96 týrnıriniń uıymdastyrý sharalaryn bastap ketti. Bul atqarylyp jatqan istiń bir shıregi ǵana. Aldaǵy josparlar da aýqymdy.
Sýret: Aikyn.kz
Sondyqtan el isine aralasyp, memlekettik múdde jolynda ter tógip júrgen azamattardyń abyroıynyń asqaqtaı túsýi halyq úshin de mańyzyn joımaıdy.