Almaty qalasynyń Ekologıa jáne qorshaǵan orta basqarmasy 24 sýburqaqty rekonstrýksıalaý jobasyn ázirlep jatyr, dep habarlaıdy Almaty-akshamy.kz
«Biz qalanyń komýnaldyq menshigindegi qaıta jańǵyrtýdy qajet etetin sýburqaqtardyń tizimin jasadyq. Bul Sas atyndaǵy balalar men jasóspirimder teatry, sırk, qalalyq ákimdik, Respýblıka alańyna qarama-qarsy, Jambyl eskertkishi men «Medeý» BTSK janyndaǵy jáne t.b. sýburqaqtar. Bul joba 2024 jyly júzege asyrylady», - dedi Almaty qalasy Ekologıa jáne qorshaǵan orta basqarmasy jaıly qalalyq orta bóliminiń basshysy Ernar Bókeshov.
Almatyda 150 sýburqaq bar, onyń 65-i qalanyń balansynda, qalǵany jeke menshikte. Osy jyly QBTÝ-dyń artyndaǵy «Soltústik» skverdegi sýburqaq rekonstrýksıadan ótti. Byltyr Oqýshylar saraıynyń aldynda «qurǵaq» sýburqaq ashyldy, al bıyl jyl sońyna deıin «Slava aeroporta» skverinde «qurǵaq» sýburqaq ashý josparlanǵan.