Almatyda sýburqaqtar maýsymy aıaqtaldy, mamandar kúzgi-qysqy kezeńde qurylystardy konservasıalaý boıynsha jumys júrgizdi, dep habarlaıdy Almaty-akshamy.kz
Osy jumystar barysynda sýburqaqa nysandaryndaǵy sý aǵyzyldy, tostaǵandar men qubyr júıeleri tazartyldy, tıisti jabdyqtar shyǵaryldy, olardy qys mezgilinde kelesi jumysqa daıyndaý josparlanýda. Sýburqaqtar dástúr boıynsha mamyr aıynan bastap jumys isteıdi.
Qazirgi ýaqytta Almaty qalasynyń ekologıa jáne qorshaǵan orta basqarmasy 24 sýburqaqty rekonstrýksıalaý jobasyn ázirleýde.
«Biz qalanyń komýnaldyq menshigindegi rekonstrýksıalanatyn sýburqaqtardyń tizimin jasadyq. Bular- Sas atyndaǵy balalar men jasóspirimder teatry, Sırk, Respýblıka alańy qarsysyndaǵy qala ákimdigi, Jambyl eskertkishi men Medeý BSK janyndaǵy sýburqaqatar.Qyzmet kórsetýmen «Eco Almaty» JSHS aınalysady. Joba 2024 jyly júzege asyrylady», - dedi Almaty qalasy ekologıa jáne qorshaǵan orta basqarmasynyń jaıly qalalyq orta bóliminiń basshysy Ernar Bókeshov.
Aıta keterligi, 150 sýburqaq jumys isteıdi, onyń 65 – i qala balansynda, qalǵandary-jekeniki. Aǵymdaǵy jyly «Soltústik» skverindegi QBTÝ ǵımaratynyń artyndaǵy sýburqaq qaıta jańartyldy. Ótken jyly Oqýshylar saraıynyń aldynda «qurǵaq» sýburqaq ashyldy, sondaı-aq 2023 jyldyń sońyna deıin «Áýejaı dańqy» saıabaǵynda «qurǵaq» sýburqaq ashý josparlanýda.