Almaty qalasynda áleýmettik mańyzy bar azyq-túlik taýarlaryna (ÁMAT) baǵany turaqtandyrý maqsatynda «Almaty» ÁKK «Magnum Cash&Carry» JSHS-men kelisim jasasty. Bul kelisimge sáıkes, kartop, sábiz, pıaz jáne qyryqqabat ónimderiniń baǵasy turaqtalady, dep habarlaıdy almaty-akshamy.kz
Baǵany turaqtandyrý 2024 jylǵy 1 qyrkúıekten bastap 2025 jylǵy 30 sáýirge deıin jalǵasady. Osy kezeń ishinde ár aıǵa ÁMAT jeke shekti baǵasy belgilenedi.
Maýsymdyqty eskere otyryp, turaqtandyrý kezeńinde sórelerdegi kókónisterdiń ortasha shekti quny mynadaı bolady:
- Sábiz: 171 teńge
- Kartop: 168 teńge
- Qyryqqabat: 140 teńge
- Pıaz: 114 teńge
Satyp alynatyn ÁMAT jalpy kólemi 10 myń tonnaǵa jetedi. Ónim taýar óndirýshilerden satyp alynady jáne «Magným» saýda jelisi arqyly tirkelgen tómendetilgen bólshek baǵamen satylady. Satýshynyń saýda ústemesi 10%-dan aspaıdy.
Esterińizge sala keteıik, ÁKK 2024 jyldyń 1 qyrkúıegine deıin ÁMAT-tyń 13 pozısıasynyń baǵasyn turaqtandyrýdy jalǵastyrýda. Olardyń qataryna mynalar kiredi:
- Qaraqumyq
- Múıiz
- Kúrish
- Kúnbaǵys maıy
- Sary maı
- Aıran
- Sút
- Súzbe
- Taýyq eti (aıaqtar men jambas)
- Sıyr eti
- Un
- Nan
- Tuz
Bul sharalar halyqtyń áleýmettik jaǵynan mańyzdy azyq-túlik taýarlaryna qoljetimdiligin arttyrýǵa baǵyttalǵan.