Medeý aýdanynyń eki turǵynynyń shoıyn qaqpaqtardy urlaýdyń bes epızodyna qatysy bar bolyp shyqty.
Urlyq jasady degen kúdikke ilingen 27 jastaǵy S.esimdi azamat pen 23 jastaǵy K.esimdi azamat ustaldy, dep habarlaıdy Almaty-akshamy.kz Polisia.kz-ke silteme jasap.
«Ustalǵan adamdar istegen isterin moıyndap, aqsha tabýdyń bul jolyn jaqynda oılap tapqandaryn aıtty: olar lommen jáne qoldan jasalǵan zattarmen qarýlanyp, aýdanda urlyq jasaı bastady. Qaskóıler urlanǵan qalpaqtardy metal qabyldaý pýnktine tapsyryp, odan túsken aqshany ózara bólisip, jeke qajettilikterine jumsaǵan. Qalǵan káriz lúkteri tárkilendi. Kúdiktilerge qatysty QR QK-niń 188-babynda kózdelgen qylmys belgileri boıynsha qylmystyq is tergelýde. Olardyń jalpy qala boıynsha osyǵan uqsas basqa da qylmysty jasaýǵa qatysy bar-joǵy tekseriletin bolady», – dedi Medeý aýdandyq polısıa basqarmasynyń bastyǵy İlıas Ómirserikov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.