Kúdiktiniń sońǵy urlyǵynyń ózinen keltirilgen materıaldyq zalaldyń kólemi bir mıllıon teńge.
Almaty polıseıleri kánigi uryny ustady, dep habarlaıdy Almaty-akshamy.kz Polisia.kz-ke silteme jasap.
Almaly aýdandyq polısıa basqarmasynyń málimetinshe, 34 jastaǵy er adam plasıkalyq terezeni qysý arqyly páterlerge kirip, kóbinese áshekeı buıymdar men aqshany alyp ketken. Kúdikti sońǵy urlyǵyn qala ortalyǵynda jasaǵan. Keltirilgen zalal bir mıllıon teńgeni qurady.
«Ury turǵyn úıge kúndiz, úı ıeleri jumysta bolǵan kezde kirdi. Kúdikti ustaldy. Qazirgi ýaqytta onyń osyǵan uqsas tórt epızodqa qatysqandyǵy dáleldendi. Kúdikti óz isin moıyndady. Barlyq faktiler boıynsha qylmystyq ister QR QK-niń 188-baby 3-bólimine sáıkes qylmystyń negizi boıynsha bir óndiriske biriktirildi. Kúdiktige qatysty ustaý túrindegi bultartpaý sharasy qoldanyldy. Onyń jeke basy qalanyń barlyq aýdandarynda osyǵan uqsas qylmystarǵa qatysy bar-joǵyna tekseriledi», – dedi Almaly aýdandyq PB bastyǵynyń orynbasary Vladımır Reshetnıkov.