Anasymen birge tamaqtanýǵa barǵan bala pasta jegen.
Almatylyq dızaıner Roka 4 jastaǵy ulymen kafege baryp, pasta alǵan. Biraq balasy balyqtyń qyltyǵyn jutyp qoıyp, aýrýhanadan bir-aq shyǵypty. Bul oqıǵa týraly ol áleýmettik jelidegi paraqshasyna jazdy, dep habarlaıdy aqshamnews.kz
Bala aqserke balyǵy qosylǵan fetýchını pastasyn tańdapty. Biraq jeı bastaǵanda birden mamalap, "tamaǵymda birdeńe tur" dep shaǵymdanǵan. Anasy alǵashqyda sý berip, ketetin shyǵar dep oılaǵan. 5 mınýttan soń da ketpegesin, anasy ulynyń shaǵymyna beıjaı qaramaı, kafe ákimshiliginen jedel járdem shaqyrýyn ótingen.
"Meıramhana ákimshiligine qazir tótenshe jaǵdaı bolyp turǵanyn túsindirip aıttym. Sonymen jedel járdem keldi de, bizdi №2 aýrýhanaǵa apardy. Ol jerde balamdy hırýrg qarady da, "eshteńe joq, bas súıek hırýrgıasy bólimine baryp kórińizder" dedi. Al bas súıek hırýrgıasyndaǵy dáriger apparatymen úlkeıtip turyp balamnyń tamaǵynda balyqtyń qyltyǵy turǵanyn kórdi. Jaqsy mamanǵa tap boldyq, balama óte jaqsy qarym-qatynas jasap, kelisip otyryp qyltyqty tez shyǵaryp berdi. Osy aralyqta telefonym polısıa basqarmasynyń qońyraýynan jarylyp jatty. Sebebi jedel járdem shaqyrǵanda aqparat polısıaǵa da túsken", – dep baıandady ol bolǵan oqıǵany.
Roka esimdi dızaıner bul oqıǵa týraly Threads jelisine jazdy. Ol bul oqıǵadan shý shyǵarýdy maqsat etpeıtinin atap ótti.
"Bul oqıǵadan qandaı da bir paıda kóreıin dep otyrǵan joqpyn. Meıramhana ákimshiliginen de bolǵan oqıǵanyń shyǵynyn talap etpeımin. Meniń oıymsha, qandaı jaǵdaıda da adam bolyp qalý kerek jáne meıramhana ádeıi jasamaǵanyn túsiný kerek. Ákimshilik artymyzdan aýrýhanaǵa bardy, bizdi kóligimiz turǵan jerge jetkizip saldy. Sonymen qatar úıge baryp, alańsyz tamaqtanýymyz úshin tamaq salyp berdi. Qamqorlyqtaryn kórsetti. Meniń bir qýanǵanym – balamnyń shaǵymyna beıjaı qaramaı, jedel áreket etkenim", -dep bólisti ana.