Azerbaijan Airlines (AZAL) 8 qańtarǵa josparlanǵan Baký-Qazan-Baký reısin toqtatty, dep jazady Trend, - dep habarlaıdy aqshamnews.kz.
– Bul sheshim Qazan ústinen áýe keńistigin jabýǵa baılanysty qabyldandy. AZAL ushý qaýipsizdigine basymdyq beredi jáne halyqaralyq standarttardy qatań saqtaıdy, dep jazdy AZAL
Esterińizge sala keteıik, 25 jeltoqsanda Aqtaý mańynda ushaq apaty bolyp, Baký-Groznyı reısin oryndaǵan AZAL jolaýshylar ushaǵy apatqa ushyraǵan bolatyn. Bortta 67 adam, onyń ishinde bes ekıpaj múshesi bolǵan. Apat saldarynan 38 jolaýshy qaza taýyp, 29 adam aman qaldy.
Reseı prezıdenti Vladımır Pýtın Reseı áýe keńistiginde bolǵan qaıǵyly oqıǵaǵa baılanysty Ázerbaıjan prezıdenti Ilham Álıevten keshirim surady.
28 jeltoqsanda birqatar áýe kompanıalary Reseı baǵytyndaǵy reısterin toqtatty: Kazakh Qazaq Air, Izraıldiń El Al jáne Azerbaijan Airlines jáne Turkmen Airlines.