Almatyda jylý júıelerin 2022-2023 jylǵy kúzgi-qysqy kezeńge daıyndyq boıynsha keshendik is-sharalar ótkizip jatyr.
Bul týraly Óńirlik komýnıkasıalar qyzmetiniń brıfıńi barysynda "Almaty jylý jelileri" JSHS bas ınjeneri Danıar Qazymbetov málimdedi, dep habarlaıdy Almaty-akshamy.kz.
Jylytý maýsymy aıaqtalǵannan keıin birden jylý aralyq kezeńde kásiporyn kelesi jylytý maýsymyna daıyndyq júrgizedi. Qalalyq jylý trassalarynda aldaǵy 2022-2023 jylǵy jylytý maýsymyna daıyndyq sheńberinde jylýmen jabdyqtaý júıesin jóndeý jáne jańǵyrtý boıynsha josparly jumystar bastalady.
Jumys josparyna sáıkes, aldaǵy jylytý maýsymyna sáýir aıynan bastap:
- barlyq jylý jelilerin gıdravlıkalyq syǵymdaý (jóndeýge deıin jáne jóndeýden keıin);
- jylý jelileriniń jabdyqtaryn aǵymdaǵy jóndeý;
- kestege sáıkes, sorǵy stansıalaryn aǵymdaǵy jóndeý;
- OJP jabdyqtary men pavılondaryn jóndeý jumystar júrgizile bastaıdy.
Búgingi kúni jetkizýshi jáne keri sý qubyry boıynsha gıdravlıkalyq synaqtar 100%-ǵa júrgizildi, sondaı-aq zaqymdanýlar anyqtalǵan ýchaskelerde tolyq kólemde jóndeý jumystary júrgizildi.
Gıdravlıkalyq synaqtar kezeńinde 489 zaqym tirkeldi, bul 2021 jylǵy synaqtar kezeńine qaraǵanda 99 (16,8%) az, 2021- 588 zaqym.
Anyqtalǵan zalaldy jóndeý jumystaryn 7 paıdalaný aımaǵynyń kúshteri (33 ýchaskeden, barlyǵy 761 adam); 4 jóndeý - qurylys qyzmeti (12 jóndeý brıgadasynan, barlyǵy 139 adam); 4 apattyq brıgada (táýlik boıy aýysymda 24 adam, barlyǵy - 98 adam) júrgizdi.
Sonymen qatar, barlyq jóndeý brıgadalary qajetti arnaıy tehnıkamen jabdyqtalǵan, mysaly, 64 birlik tehnıka jumyldyrylǵan, onyń ishinde: arnaıy tehnıka (traktor, ekskavator, Kamaz, MAZ, Hino), «Gazel» jáne «Sobol» avtomashınasy brıgada múshelerin, gazben dánekerleý jabdyqtaryn, qorshaý qalqandaryn, aspaptardy, 11,6 kVt jáne 25 kVt dızeldi elektr stansıasyn, «Gnom» aıdaý sorǵylardy, jeldetkishterdi, elektrli dánekerleý apparatyn, jaryqtandyrý projektoryn tasymaldaýǵa arnalǵan.
Jóndeý kompanıasy jylý berý kezeńinde úlken jarylys oryn alǵan jáne jospardan tys aýystyrý qajet jylý magıstraldarynyń ýchaskelerinde de júrgiziledi. Jalpy, jylý jelilerinde aǵymdaǵy jyly 9 km jeli aýystyryldy.
2022 jyly jylytý maýsymyna daıyndyq kezinde kásiporynnyń aldynda turǵan taǵy bir mindet - uzyndyǵy 4,7 km jylý jelileriniń ýchaskelerin aýystyrý. Bul osy jelilerdiń paıdalaný merziminen 25 jyldan asqandyǵyna baılanysty bolady.
Myna kósheler aýdanynda jylý jelilerin qaıta qurylymdaý jumystary júrgizildi:
- Qazybaev kóshesimen soltústik baǵytta Serikov kóshesinen №28 turǵyn úıge deıin;
- Gúlder saıabaǵy boıynsha Qazybaev kóshesine deıin;
- Tóle bı kóshesimen Ýálıhanov kóshesinen Zenkov kóshesine deıin;
- Pýshkın kóshesimen Tóle bı kóshesinen Qarasaı batyr kóshesine deıin;
- Erǵojın kóshesi boıynsha;
- Sadovnıkov kóshesimen Saıran kóli boıymen №82 turǵyn úıge deıin,
sondaı-aq, Jetisý aýdanyndaǵy eki sorǵy stansıasy.
Bul is-sharalar kórsetiletin qyzmetterdiń sapasyn arttyrý úshin júrgiziledi.
Aıta keteıik, aǵymdaǵy jyly Almaty qalasy boıynsha jylý jelileriniń tozýy shamamen 60% (811,5 km) quraıdy.
Búgingi tańda barlyq jylý jelileri jelilik sýmen toltyrylǵan, jylý jelilerin 2022-2023jj. jylytý maýsymyna burýǵa jáne jylý jelilerinde baıaý aınalym jasaýǵa daıyndyq júrgizilip jatyr. Aınalym jylytý kezeńi bastalǵanǵa deıin 3 kún buryn iske qosylady.
Jylý jelileri úıge (teńgerimdik shekteý shekarasyna deıin) deıin jylýmen qamtamasyz etýdi jetkizetinin atap ótý mańyzdy. Úıdiń ózine keletin bolsaq, munda turǵyndar PIK nemese MIB-men birlesip, jylytý kezeńinde úıdiń úı ishilik jelilerin daıyndaýy kerek, ıaǵnı, bul jylytý júıesin jýý, jóndeý jáne syǵymdaý, úıdiń ózin, shatyrdy, jertóleni, terezeni, esikterdi jáne t.b. oqshaýlap jabý.
PIK nemese MIB mindetti túrde júrgiziýi tıis úıishilik jylýmen jabdyqtaý júıesiniń daıyndyq jumystaryn júrgizý, qysta sýyq mezgilde qolaıly jaǵdaılarǵa kepildik berý úshin.
Anyqtama: jylý jelileriniń jalpy uzyndyǵy - 1 352,33 km, jylý jelileri jumysynyń gıdravlıkalyq rejımin qamtamasyz etý úshin – 67 sorǵy stansıasy.