Almatynyń Energetıka jáne sýmen jabdyqtaý basqarmasy «Almaty Qala Jaryq» MKK-men birlesip, qalanyń syrtqy jaryqtandyrýyn jańǵyrtý baǵdarlamasy aıasynda atqarylǵan jumystar týraly habarlady.
Jańartylǵan nysandardyń qatarynda Respýblıka Saraıy, Shýhov jáne «Drýjba» skverleri, Tólebaev kóshesindegi aleıa, Seıfýllın dańǵyly, sondaı-aq Sholohov jáne Saın kósheleri bar, - dep habarlaıdy Aqshamnews.kz.
Respýblıka Saraıynyń aýmaǵynda 60 jańa jaryqtandyrý tiregi ornatylyp, 700 metr 5×10 kabel tartyldy. Shýhov skverinde qýaty 100 Vt (3000K) 32 torsher shamy ornatyldy. «Drýjba» saıabaǵynda 65 eskirgen sham energıa tıimdiligi joǵary (100 Vt, 3000K) zamanaýı jaryq kózine aýystyryldy.
Budan bólek,Tólebaev kóshesinde 97 sham aýystyrylyp, trotýarlar birkelkilki jaryqtandyrylýda. Sholohov kóshesindegi eski shamdardyń ornyna 210 torsher paıda boldy, sonyń arqasynda energıa tıimdiligi de artty. Saın kóshesindegi 150 Vatt shamdardy neǵurlym qýatty 200 vatt shamdarǵa aýystyrý júrgizilip jatyr. Qazirdiń ózinde 750 sham jańartyldy.
Atalǵan is-sharalardy júzege asyrý jaryqtandyrý deńgeıin jáne jol qozǵalysy qaýipsizdigin arttyrýǵa, qala turǵyndary men qonaqtary úshin neǵurlym jaıly jaǵdaı jasaýǵa yqpal etip, qoǵamdyq keńistikterge zamanaýı sáýlettik kórinis berip otyr.
