Týrısik ınfraqurylymdy damytý sheńberinde bıyl qalanyń nómirlik qory 3 myń jatyn orynǵa ulǵaıyp, 27 myń jatyn orynǵa jetedi. Ótken jyly bul kórsetkish 2,2 myń jatyn oryn bolǵan.
Osy jyldyń sońyna deıin 390 bólmeli taǵy 2 qonaqúı boı kóteredi. Atap aıtsaq, 90 bólmeli «Medeu Park Hotel», 300 bólmeli «Parkside living» Apart-qonaqúıi ashylatyn bolady. Sonymen qatar 3 kempıng-aımaq bar. Kishi jáne Úlken Almaty shatqaldarynda uzyndyǵy 150 km 10 taý marshrýty qurylady. Bul marshrýttar sıfrlandyrylady, dep habarlaıdy Almaty-akshamy.kz.
«Qazirgi tańda Almatyda 16 glempıngtik «Qazaq Auyl» eko-qonaqúıi jáne 112 bólmeli «Grand Mildom» qonaqúıi ashyldy. Memleket basshysy Túrgen men Qaskeleń arasyndaǵy taý klasteriniń Shyǵys jáne Batys bólikterin keshendi damytýdy tapsyrdy. Bul maqsatta Mádenıet jáne sport mınıstrligimen birlesip Almaty aglomerasıasy sheńberinde Túrgennen bastap Qaskeleńge deıingi taý klasterin damytý tujyrymdamasyn ázirleý júrgizilýde. Ony osy jyldyń sońyna deıin aıaqtaý josparlanýda», - deıdi Almaty qalasynyń ákimi E.Dosaev.
Bıylǵy jyly sheteldik týrıser sany 450 myń adamǵa, ishki týrıser sany 1,5 mln. adamǵa deıin ósedi dep kútilýde. Ótken jyly sheteldik týrıster sany – 417,3 myń adam, ishki – 1,4 mln. adamǵa jetken.