Almatyda 1 qazannan bastap qalalyq sýburqaqtardyń jumys maýsymy aıaqtaldy. Sýyq aýa raıynyń bastalýyna baılanysty qyzmet kórsetetin kompanıanyń mamandary kúzgi-qysqy kezeńde sýburqaq jabdyqtaryn saqtaý prosesine kiristi, dep habarlaıdy aqshamnews.kz
Konservasıalaý jumystary eki kezeńde júrgiziledi. Birinshi kezeńde sýburqaqtardan sý aǵyzylady, qubyr júıeleri úrlenedi, sýburqaqtardyń tostaǵandary muqıat tazalanady. Budan ári ony tekserý jáne jóndeý-qalpyna keltirý jumystaryn júrgizý úshin jabdyqty bólshekteý, onyń ishinde isten shyqqan agregattardy aýystyrý júrgiziledi. Bul is-sharalar dástúrli túrde mamyr aıynyń basynda bastalatyn jańa maýsymǵa sýburqaqtardy daıyndaýǵa baǵyttalǵan.
Sonymen qatar, kelesi maýsymnyń basyna deıin qyzmet kórsetetin kompanıanyń qyzmetkerleri sýburqaq tostaǵandaryna shaǵyn jóndeý jumystaryn júrgizedi. Qys mezgilinde sýburqaqtar men olarǵa irgeles aýmaqtardyń sanıtarlyq jaǵdaıyn, sonyń ishinde parapetten bir metr radıýsta qoqys pen qardan tazartý josparlanýda.
Esterińizge sala keteıik, Almaty qalasynda 66 komýnaldyq sýburqaq jumys isteıdi. Olar jyl saıyn 1 mamyrda iske qosylady jáne 1 qazanda óshiriledi.