Imýnıteti tolyq qalyptaspaýy sebepti kóbinese 5 jasqa deıingi balalar aýyrady
Almatyda jyl basynan beri 4 adam menıngokok ınfeksıasyn juqtyrǵan. Onyń 2-eýi 14 jasqa deıingi bala, bireýi jasóspirim (15 jas) jáne bireýi eresek adam. Bul týraly Almaty qalalyq sanıtarlyq-epıdemıologıalyq baqylaý departamentinen málim etti, dep habarlaıdy Almaty-akshamy.kz.
«Menıngokok ınfeksıasy – Neisseria meningitides bakterıa týdyratyn jiti ınfeksıalyq aýrý. Aýrý aýa arqyly beriledi (jótelgende, túshkirgende, sóıleskende). Menıngokoktiń alǵashqy spesıfıkalyq belgileri bolmaıdy, qarapaıym sýyq tıýge uqsas bolady (temperatýranyń kóterilýi, bas aýrýy). Aýrýdyń belgileri paıda bolǵan jaǵdaıda, medısınalyq kómekke júginý kerek», - dep habarlady vedomstvoda.
Aýrýdyń negizgi klınıkalyq belgilerine: dene temperatýrasynyń 39,0°S jáne odan joǵary bolýy, bas aýrýy, júrek aınymaı qusý, gemorragıalyq bórtpe, moıyn bulshyqetteriniń kerneýi, tynys alýdyń buzylýy, aqyl-estiń buzylýy jatady.
«Menıngokok ınfeksıasy qys jáne kóktem aılarynda órshı týsedi. Sebebi, bul ýaqytta adamnyń ımýndyq júıesi bul ýaqyttarda kóptegen vırýstar - JRVI, tumaý jáne t.b. áserinen álsireıdi. Imýnıteti tolyq qalyptaspaýy sebepti kóbinese 5 jasqa deıingi balalar, sondaı-aq, shylym shegetin jasóspirimder, jas adamdar aýyrady», - dep habarlady qalalyq sanıtarlyq-epıdemıologıalyq baqylaý departamentinde.