Sebebi órt eldi mekenge taıap qalǵan
Abaı oblysy Berezovka aýylynyń turǵyndary qaýipsiz jerge kóshýge qamdanyp jatyr, dep habarlaıdy Almaty-akshamy.kz «Habar 24» arnasyna silteme jasap.
Jergilikti bılik ázirge qaýip joq ekenin aıtady. Degenmen kóshemin degenderge arnaıy kólikter daıyndap qoıǵan. Sonymen qatar Ivanovka jáne Aýyl eldi mekenderiniń turǵyndary úshin avtobýstar ázir tur. Atalǵan aýyldardyń halqy ázirge qozǵala qoımady.
Aıta keteıik, qutqarýshylar men ormanshylar kesheden beri qyzyl jalynmen arpalysyp jatyr. 400-den astam adam, 100-ge tarta tehnıka men 2 tikushaq jumyldyryldy. Alaıda qatty jel bolyp, órtti sóndirý qıyndap ketti. Tańerteńnen beri tikushaqtar kókten 157 tonna sý shashqan. Aldyn ala boljam boıynsha, 1,5 myń gektarǵa jýyq alqap órtenip ketti.
«Borodýlıha aýylynda apaıym turady. Soǵan ketip bara jatyrmyz. Qazir órt jaqyndap qalǵanyn polısıa kelip aıtty», - deıdi Berezovka aýylynyń turǵyny Erlan Bıǵazıev.
«Eldi mekenderge qaýip tónip turǵan joq. Degenmen turǵyndardy kóshirý úshin avtobýs daıyndap qoıdyq. Halyqqa túsindirý jumysyn júrgizdik», - dedi Abaı oblysy ákiminiń orynbasary Dımıtrıı Garıkov.