Almatyda kólik júrgizý kýáligine teorıalyq emtıhan tapsyrý talaby qatańdatyldy.
Budan bylaı úmitker eki faktorly aýtentıfıkasıadan ótedi, dep habarlaıdy aqshamnews.kz 24.kz-ke silteme jasap.
Ár adam óziniń jeke basyn SMS habarlama arqyly jáne bıometrıalyq júıemen rastaıdy. Sodan keıin ǵana emtıhan tapsyrady. Mundaı jańashyldyq saladaǵy alaıaqtyqty joıyp, bóten adamnyń aralasýyna jol bermeıdi. Almatydaǵy mamandandyrylǵan halyqqa qyzmet kórsetý ortalyǵynyń basshysy Áset Turǵymbaevtyń aıtýynsha, qazir emtıhan tapsyratyndardyń 60 paıyzy testten súrinbeı ótedi. Eki faktorly rastaý júıesi jol apatyn azaıtýǵa da septigin tıgizýi tıis.
Áset Turǵymbaev, qalalyq mamandandyrylǵan HQKO basshysy:
- Sol habarlamada ózińiz ekenińizdi dáleldeý úshin rastaý kodyn basasyz. 212, 214 degen boıynsha, eger siz ózińizdi rastaıtyn bolsańyz 512-ni basasyz. Sodan keıin bizde teorıa synybyna kirgen kezde qaı kompúterge otyratynyńyz sol jerde belgili bolady. Oǵan deıin sizdiń qaı kompúterge otyratynyńyz belgisiz.