Bir kúnniń ishinde 21 zań buzýshylyq anyqtalǵan.
Almaty polıseıleri zań buzǵan júk kóligin júrgizýshilerin anyqtady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, 2 tamyz kúni qalada júk kóligi júrgizýshilerine qatysty aldyn alý is-sharasy júrgizilgen.
Polısıa júk kóliginiń júrgizýshileriniń jol qozǵalysy erejelerin, júkterdi tasymaldaý erejelerin, kólik quralynyń tehnıkalyq jaǵdaıynyń talaptaryna sáıkestigine jappaı tekserý júrgizdi. Júk kóligi júrgizýshileri kóp jaǵdaıda aqaýy bar nemese kólik quralyn paıdalanýǵa tyıym salynǵan jaǵdaılarda da kólikti júrgizip, zań buzady.
Tekserý nátıjesinde bir kúnde 21 buzýshylyq anyqtalyp, ákimshilik jaza qoldanyldy, onyń ishinde: 590-bap 5-bólim (Tehnıkalyq jaǵdaı) – 11 buzýshylyq, 590-bap 1-bólim (MTNB standart talaptaryna sáıkes kelmeıdi) – alty buzýshylyq, 601-bap (Jol belgileri) – eki buzýshylyq, 593-bap 1-bólim (Júkterdi tasymaldaý erejesin buzý) – eki buzýshylyq. Almaty qalasy PD-niń jergilikti polısıa qyzmeti basqarmasy mundaı reıdtik is-sharalardyń turaqty túrde júrgiziletinin atap ótti.