Jalǵan páter tapsyryp kelgender isi áshkerelendi
Pavlodar qalasynyń turǵyndary 24 jastaǵy B. esimdi qyz ben 27 jastaǵy S.esimdi áıel Almatyda joq páterlerdi jalǵa berip kelgen, dep habarlaıdy Almaty-akshamy.kz.
Polisia.kz habarlaýynsha, alaıaqtar ózderiniń quıtyrqy áreketterin iske asyrý úshin ınternette páterdi jalǵa berý týraly jalǵan habarlandyrý jarıalaǵan.
«Olar jaldaý aqysyn tómen qylyp, basqa adamdardyń jarnamasynan sýretterdi qoıǵan. Klıenttermen kelissózder tek telefon arqyly júrgizildi, olar ózderiniń nıetteriniń tazalyǵyna sendirip, aldyn ala tólemdi balansqa aýdarýdy usynǵan. Zardap shekkender aqsha jibergen kezde áıelder birden jarnamany alyp tastap, uıaly telefondaryn óshirip otyrǵan», – deıdi Almaty qalalyq PD qrımınaldyq polısıa basqarmasynyń bastyǵy Qýatbek Naýatov.
Osy iske qatysty QR QK-niń 190-baby (Alaıaqtyq) boıynsha sotqa deıingi tergeý júrgizilýde. Qazirgi ýaqytta birneshe zardap shekkender anyqtaldy. Alaıda olardyń sany áldeqaıda kóp bolýy múmkin. Kúdiktilerdiń ekeýi de buryn isti bolǵan.