Ol tanymal saıtqa páterdi jalǵa berý týraly habarlandyrý jarıalaǵan.
Polısıaǵa 25 aryz túsken, dep habarlaıdy Almaty-akshamy.kz Polisia.kz-ke silteme jasap.
Sharshy metrlerdi naryq baǵasynan tómen baǵaǵa “jaldaýǵa” yntalylar jetkilikti boldy.
«Qazirgi ýaqytta polısıaǵa jábirlenýshilerden 25 aryz kelip tústi. Ózderine unaǵan páterdi alý úshin ekinshi deńgeıli bank kartalary arqyly aldyn ala aqsha aýdarǵan. Aqshany alǵannan keıin “kásipker” adam baılanysqa shyǵýyn toqtatty. Ol jedel-izdestirý is-sharalary barysynda ustalyp, qamaýǵa alyndy. Joǵaryda atalǵan qylmystyq epızodtardyń barlyǵy bir óndiriske biriktirilip, alaıaqtyq deregi boıynsha Áýezov aýdandyq PB-da qylmystyq is tergelip jatyr», – dedi Almaty qalalyq PD krımınaldyq polısıa basqarmasynyń bastyǵy Maqsat Qanapáev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.