«Qaýipsiz jol» jedel-profılaktıkalyq is-sharasy aıasynda Almaty qalasynyń ákimshilik polısıa qyzmetkerleri jolaýshylar tasymalymen aınalysatyn avtokólik kásiporyndaryn tekserýde, dep habarlaıdy aqshamnews.kz
Tekserý barysynda polıseıler júrgizýshilerdi jelige jiberý tártibine erekshe nazar aýdardy. Atap aıtqanda, sapar aldyndaǵy baǵyttardyń naqty belgilenýi, mindetti medısınalyq tekserýlerdiń ótýi, kóliktiń tehnıkalyq jaǵdaıy men qaýipsizdik júıeleriniń jaramdylyǵy, sondaı-aq jolaýshylardy tasymaldaý quqyǵyn rastaıtyn qujattar muqıat tekserildi.
Almaty qalalyq PD ákimshilik polısıa basqarmasy bastyǵynyń orynbasary Darhan Aıymbetovtiń aıtýynsha, mundaı sharalar jol-kólik oqıǵalarynyń aldyn alyp, jolaýshylardyń qaýipsizdigin qamtamasyz etýge múmkindik beredi.
— Jolaýshylardyń qaýipsizdigi — júrgizýshiler úshin de, tasymaldaýshylar úshin de basty basymdyq bolýy tıis. Biz tek qujattardy tekserip qoımaı, árbir qoǵamdyq kóliktiń jolǵa zańǵa saı shyǵýyn qadaǵalaımyz. Bul – formaldylyq emes, bul – adam ómiriniń qaýipsizdigi, – dedi Darhan Aıymbetov.