Almaty qalasynda kópdeńgeıli avtoturaqtar salý, dep habarlaıdy aqshamnews.kz. Almaty qalasynyń Qalalyq mobıldik basqarmasyna silteme jasap.
Basqarmanyń málimetinshe, búginde qalada:
-
Trotýarlyq úlgidegi avtoturaqtarda – 12 myń kólik orny,
-
Alańdyq úlgidegi avtoturaqtarda – 6 myń kólik orny jumys istep tur.
2024 jyly qosymsha 12 myń kólik ornyna arnalǵan trotýarlyq avtoturaqtar úshin jer ýchaskelerin tirkeýge qujattar «Azamattarǵa arnalǵan úkimet» memlekettik korporasıasyna tapsyrylǵan. Qazirgi tańda bul ýchaskelerdi resmı tirkeý jumystary aıaqtalýǵa jaqyn.
— Osylaısha, 2025 jyldyń sońyna deıin Almatydaǵy komýnaldyq avtoturaqtar sany 30 myń kólik ornyna deıin ulǵaıtylady, — dep málimdedi basqarma.
Sondaı-aq, 2025 jylǵa kelesi jumystar josparlanǵan:
-
«Kóktem-3» shaǵyn aýdanynda komýnaldyq kópdeńgeıli parkıng qurylysyn aıaqtaý;
-
«Barlyq» bazary mańynda kólik-aýyspaly torap (KAT) jobasyna memlekettik saraptamanyń oń qorytyndysyn alý.
Qalalyq mobıldik basqarmasy aýdandardyń ákimdikterimen birlesip, jańa kópdeńgeıli parkıngter salýǵa arnalǵan jer telimderin izdeý jáne qarastyrý jumystaryn júrgizip jatqanyn atap ótti.
Barlyq jobalaý, qurylys jáne paıdalaný prosesteri qoldanystaǵy normatıvtik qujattarǵa, atap aıtqanda, QR QN 3.03-05-2014 "Avtoturaqtar" normasyna sáıkes júrgiziledi.