Almatyda júrgizýshi kýáliginiń merzimi ótip ketken qoǵamdyq kólik júrgizýshisi jaýapqa tartyldy.
Jolaýshylardy tasymaldaýdy júzege asyrý kezinde 59 jastaǵy K.esimdi azamat óreskel buzýshylyqqa jol berdi. Ol “Avtotransgaz” JSHS-ge tıesili 47-baǵyttaǵy qoǵamdyq kólikti basqarǵan, dep habarlaıdy Almaty-akshamy.kz Polisia.kz-ke silteme jasap.
«Onyń is-áreketi QR ÁQBtK-niń 612-baby 2-bóligi boıynsha saralanǵan. Júrgizýshi jaýapqa tartyldy. Sondaı-aq merzimi ótip ketken qujaty bar júrgizýshini jelige shyǵarǵan kásiporynnyń mehanıgine de ákimshilik shara qoldanyldy. Sonymen qatar shahar joldarynda qoǵamdyq kólik júrgizýge daǵdysy da, ruqsaty/sanaty da joq qoǵamdyq kólik júrgizýshisi anyqtaldy. Másele “Dýman Trans” JSHS qyzmetkeri týraly bolyp otyr. Ol 11-shi baǵyttaǵy qoǵamdyq kólikti basqarǵan. QR ÁQBtK-niń 619-baby 1-bóligi boıynsha hattama toltyryldy», – dedi Alataý aýdandyq PB-nyń memlekettik avtoınspektory Rýslan Orazymbetov.
Spıkerdiń aıtýynsha, eki kólik quraly da aıyppul turaǵyna ornalastyrylǵan.