Jergilikti polısıa qyzmeti ókilderi eki dóńgelekti kólik júrgizýshileriniń júrgizý tártibin saqtamaýynan týyndap otyrǵan statısıkaǵa alańdaýly, dep habarlaıdy Almaty-akshamy.kz Polisia.kz-ke silteme jasap.
«Olar úshin jol qozǵalysy erejesi, parasattylyq jáne ózin-ózi saqtaý ınstınkti joq sıaqty. Olar avtokólikterdiń arasynda oılanbastan manevr jasaıdy, apattyq jaǵdaılar týyndatady, baǵdarshamnyń qyzyl túsine ótip ketedi, qarama-qarsy jolaqqa, jaıaý júrginshiler jolyna shyǵady – bir sózben aıtqanda, kenetten paıda bolady jáne kenetten joǵalyp ketedi. Aldyn alý sharalary keńinen júrgizilgenimen, moped júrgizýshileri tarapynan áli de bolsa JQE buzýǵa jol berilýde, óıtkeni olardyń kópshiligi jazasyz qalatynyna senimdi. Biraq bul jalǵan senim, quqyqbuzýshylyq anyqtalǵan jaǵdaıda polısıa shara qoldanady, júrgizýshini ákimshilik jaýapkershilikke tartyp, kólik quralyn aıyppul turaǵyna qoıady», – dedi Almaty qalalyq PD jergilikti polısıa qyzmeti basqarmasynyń basshysy Erjan Uzabaev.
Baıandamashy, mobıldi kólik júrgizýshileriniń jeke qaýipsizdigi úshin túnde jol júrý kezinde kıimderinde nemese kólik quraldarynda qosymsha shaǵylystyratyn elementterdiń bolýy qajet dep sanaıdy.