Belgili boksshynyń joǵalǵany týraly budan buryn habarlaǵanbyz.
Tanymal qazaqstandyq boksshy Serik Nurqazov tiri tabyldy, ol qazir týystarynyń qamqorlyǵynda, dep habarlaıdy Almaty-akshamy.kz
Almaty polısıa departamentiniń baspasóz qyzmeti habarlaǵandaı, Medeý aýdanynda joǵalyp ketken burynǵy sportshy Serik Nurqazov 26 jeltoqsanda tiri tabyldy.
"1959 jyly týǵan azamat Nurqazov Serik aman-esen tabyldy. Ol týystaryna tapsyryldy. Buryn habarlanǵandaı, joǵalǵan azamattyń qaıda ekenin anyqtaý maqsatynda arnaıy jedel-izdestirý toby quryldy", - dep habarlady polısıa.
Serik Nurqazov 14 jeltoqsannan beri izdeýde bolǵan, onyń joǵalyp ketkeni týraly "Qoǵam" izdestirý tobynyń eriktileri habarlaǵan. Medeý aýdanyndaǵy 64 jastaǵy er adam úıinen shyǵyp ketip, qaıtyp oralmaǵan.
Serik Nurqazov – qazaqtyń ataqty boksshysy. Ol 1980 jyldary KSRO quramasynda oınaǵan. El birinshiliginiń úsh dúrkin chempıony, Eýropa chempıony, Gavanadaǵy álem chempıonatynyń jáne halyqaralyq Dostyq týrnıriniń kúmis júldegeri, KSRO-nyń eńbek sińirgen sport sheberi. Sporttyq mansabyn aıaqtaǵannan keıin bokstan balalar jattyqtyrýshysy boldy, oblystyq oqý-jattyǵý ortalyǵynyń meńgerýshisi – oblystyq joǵary sport sheberligi mektebiniń dırektory qyzmetterin atqardy.