Bizdiń Alataý aýdany ardagerleriniń basty maqsaty – mektep oqýshylarymen jıi kezdesip, bolashaq týraly keleli áńgime ótkizip, jas býyn men aǵa býyn arasynda jandy dıalog ornatyp, bilgenimizben bólisý.
Sondaı-aq, jylda Qarttar aılyǵyna belsene qatysamyz. Sonyń nátıjesi bolar, barlyq saıysta qala boıynsha bizdiń aýdan tek aldyńǵy orynnan kórinip keledi.
Bizde 27 yqshamaýdan bar. Ár yqshamaýdannyń ókilderi dastarhan jaıyp, án-kúı uıymdastyryp, ardagerlerin qurmettep shaqyryp, tórine shyǵarady. Osynaý jumystardyń basy-qasynda júrgen – aýdandyq Adagerler keńesiniń tóraǵasy Saǵattýla Taýbaldyulynyń orynbasary Nurqasym Toqmoldaev. Sondaı-aq, bárine qoldaý kórsetip, kómek beretin, marapattaıtyn aýdan ákimi Azamat Qaldybekulyna da alǵysymyz sheksiz.
Bizdiń ardagerler Túrkistan, Arystanbap, Samarhan, Buqaraǵa baryp, zıarat etti. 70–90 jastaǵy ardagerlerimiz «jasymyz keldi» dep qarap otyrmaı, Amerıkaǵa da baryp, qazaqtyń kim ekenin, salt-dástúrin pash etip qaıtty. Olardy sol AQSH-taǵy qazaq azamattary ushaqtan kútip alyp, qyzmet kórsetken. Qazaqtyń qarttaryn alaqandaryna salyp kútip, qydyrtyp, batasyn alyp, shyǵaryp salǵan.
Bizdiń ardagerler kórshi, baýyrlas qyrǵyz, ózbek jerine de baryp qaıtty. Ol jaqta da ónerimizdi ortaǵa salyp, bárimiz baýyr-qandas ekendigimizdi bildirip, yqylas-nıetimizdi tanytyp, óte rıza bolyp oraldyq. Men salaýatty ómir saltyn ustanǵan, sergek zamandastarymdy árkez maqtan tutamyn.