Almaty volonterleri 12 mamyr kúni joǵalǵan 22 jastaǵy jigittiń denesi tabylǵanyn áleýmettik jelide jazdy, dep habarlaıdy almaty-akshamy.kz.
Jazbada 2002 jylǵy azamattyń 12 mamyr kúni Medeý aýdany, Dýman yqsham aýdany, QR Táýelsizdigine on jyl kóshesindegi úıinen shyǵyp qaıtyp oralmaǵany jazylǵan. Sondaı-aq atalmysh habarlamada almatylyq jigittiń denesi 18 mamyr kúni tabylǵany týraly jazylǵan.
Aıtylǵan jaǵdaıǵa baılanysty Almaty qalalyq polısıa Departamenti qylmystyq is qozǵady.
«Úıinen shyǵyp ketip, qaıtyp oralmaǵan er adamnyń máıiti tabylý deregi boıynsha qylmystyq is qozǵaldy. Denesinde zorlyq-zombylyq belgileri joq. Tergeý júrgizilýde, sot-medısınalyq saraptama taǵaıyndaldy», – dep habarlady Almaty qalasy Polısıa departamentiniń baspasóz qyzmeti.