Mamandar tótenshe jaǵdaılarǵa baılanysty kóptegen suraqtarǵa jaýap berdi
Búgin Ulttyq kitaphana ujymyna «Tabıǵı jáne tehnogendik sıpattaǵy tótenshe jaǵdaı qaýpi men týyndaý kezindegi halyqtyń is-áreketi taqyrybynda» jıyn ótti, dep habarlaıdy Almaty-akshamy.kz.
⠀
Sharaǵa Almaty qalasy, Bostandyq aýdanynyń TJB bas mamany Aıtqojaeva N.A jáne TJB bas mamany, azamattyq qorǵaý polkovnıgi Hýdaıberdıev S.B. arnaıy qatysty.
⠀
İs-shara barysynda «Jer silkinisi kezindegi evakýasıa», «Tótenshe jaǵdaı kezinde halyqty jınaqtaý pýnkti», «Dabyl chemodany» atty taqyryptarda arnaıy mamandar túsindirme jumystaryn júrgizip, beınerolıkter kórsetildi.
⠀
Mamandar tótenshe jaǵdaılarǵa baılanysty kóptegen suraqtarǵa jaýap berdi. Apatty jaǵdaılarda mekemelerde qaýipsizdik sharalaryn qatań saqtaı otyryp, qaýipsizdik erejelerine baǵyný, jer silkinisi kezinde mekemeniń qaýipsiz oryndarynda qorǵaný máselelerine toqtalyp, tótenshe jaǵdaıdaǵy is-áreketter týraly aqparattarmen bólisti.
⠀
Sonymen qatar, elimizde tótenshe jaǵdaılarǵa tótep berý úshin álemniń aldyńǵy qatarly ozyq tehnologıalary qoldanysqa engizilip jatqandyǵyna toqtalyp, sý tasqyndary nemese órt, jer silkiný apattary kezinde halyqty sabyrlyqpen sheshim qabyldaýǵa shaqyrdy.