Jıyn qazaqstandyq iri kásiporyndardyń basyn biriktirmek
21 aqpanda Almatyda QAZTEXTILEINDUSTRY SRO (ózin-ózi retteıtin uıym) jáne Qazaqstannyń jeńil ónerkásip kásiporyndarynyń qaýymdastyǵy uıymdastyrýymen Qazaqstannyń jeńil ónerkásip kásiporyndarynyń jalpy sezi ótedi, dep habarlaıdy Almaty-akshamy.kz.
Bul jıyn jeńil ónerkásiptiń toqyma, tigin jáne basqa da salalaryndaǵy barlyq qazaqstandyq iri kásiporyndardyń basyn biriktirmek.
"Osy saladaǵy óndiristik problemalardyń aýqymy jyl saıyn azaımaı, tek ulǵaıyp kele jatqanyn eskere otyryp, eki iri uıym otandyq óndirýshilerdiń múddelerin qorǵaý maqsatynda jeńil ónerkásipti tıimdi damytýǵa jáne kásiporyndardyń kúsh-jigerin biriktirýge baǵyttalǵan birlesken qyzmet týraly Memorandýmǵa qol qoıýdy josparlap otyr", - dep atap ótti QAZTEXTILEINDUSTRY SRO basshysy Gúlmıra Ýahıtova.
Sonymen qatar, sıez aıasynda jeńil ónerkásipshiler qazaqstandyq jastar arasynda jumysshy mamandyqtardy qalaı tanymal etý keregin talqylaıdy, 2023 jylǵa arnalǵan eki uıymnyń jumys josparyn bekitedi, al Qazaqstannyń jeńil ónerkásip kásiporyndarynyń qaýymdastyǵy Qazaqstanda jasalgan ekonomıkalyq ulttyq qozǵalysyna resmı túrde kiredi dep kútilýde.