Almatyda Jeltoqsan kóshesiniń bir bóligi ýaqytsha jóndeýge jabylady.
BRT (Bus Rapid Transit — avtobýstyń arnaıy jolaǵy) jobasyn júzege asyrý aıasynda Jeltoqsan kóshesinde qurylys-montaj jumystarynyń júrgizilýine baılanysty kólik qozǵalysy ýaqytsha shekteledi.
Osyǵan baılanysty 21 maýsym kúni saǵat 08:00-den 22:00-ge deıin Abaı dańǵylynan Shevchenko kóshesine deıingi aralyqta qozǵalys jabylady. Bul aýmaqty Abylaı han jáne Chaıkovskıı kósheleri arqyly aınalyp ótýge bolady.
Jóndeletin ýchaskede eskertý belgileri, merdiger uıymnyń baılanys aqparaty bar taqta qoıylady. Baǵytty aldyn ala josparlaýdy suraımyz.
Sonymen qatar qozǵalysqa shekteý qoıý jónindegi tolyq aqparat @AlmatyJoly Telegram arnasynda, ákimdiktiń áleýmettik jelilerinde jáne 2GIS jáne «Iandeks kartalarynda» jarıalanǵan.