Almatyda búgingi kúni 33 jeke MSAK jetkizýshisi bar
Qoǵamdyq densaýlyq saqtaý basqarmasynyń basshysy Iran Shametekov alǵashqy medısınalyq-sanıtarıalyq kómektiń jeke medısınalyq uıym jetekshilerimen kezdesti. Keńeste qala turǵyndaryna jeke uıymdarǵa bekitilgen medısınalyq qyzmetterdiń sapasy, olardyń nátıjeliliginiń negizgi kórsetkishteri, sondaı-aq jeke tulǵalardy tirkeý erejeleri qarastyryldy, dep habarlaıdy Almaty-akshamy.kz.
Esterińizge sala keteıik, memlekettik tapsyrys aıasynda qyzmet kórsetetin jeke uıymdar medısınalyq qyzmetterdiń sapasyn qamtamasyz etýge jaýapty. Sodan keıin jetkizýshiler men Áleýmettik medısınalyq saqtandyrý qory arasyndaǵy shartta retteledi.
Almatyda búgingi kúni 33 jeke MSAK jetkizýshisi bar.
Aǵymdaǵy jyldyń birinshi jartyjyldyǵynda medısınalyq qyzmetti taldaý qorytyndysy boıynsha keıbir jeke medısınalyq uıymdardyń nátıjesi negizgi kórsetkishterine qol jetkizbegeni anyqtaldy.
Kezdesý barysynda Iran Shametekov onkologıa, týberkýlez, júrek-qan tamyrlary aýrýlary, skrınıngtik tekserýler, sondaı-aq dári-dármekpen qamtamasyz etý jáne t.b. sıaqty túrli aýrýlar boıynsha jeke MSAK uıymdary nysanaly ındıkatorlarǵa qol jetkizýdiń mańyzdylyǵyna nazar aýdardy.
«Densaýlyq saqtaýdaǵy KPI esepteý júıesi, onyń ishinde MÁMS jáne TMKKK boıynsha halyqqa medısınalyq qyzmet kórsetetin jeke uıymdardaǵy qyzmetti keshendi baǵalaýdyń ońtaıly ólshemderine jaýap beredi. Negizgi kórsetkishterge júıeli túrde qol jetkize almaıtyn uıymdar «josyqsyz» qataryna engiziletin bolady jáne olar boıynsha ÁMSQ tarapynan kelesi kezeńge olardy qarjylandyrý máselesi týyndaıtyn bolady», - dep Iran Shametekov aıtyp ótti.
Aıta ketý kerek, búginde úshjaqty shart boıynsha kelisim-shart ázirlenýde, oǵan Áleýmettik medısınalyq saqtandyrý qory jáne jeke medısınalyq uıym, Qoǵamdyq densaýlyq saqtaý basqarmasy da qatysatyn bolady.
«Jyldan jylǵa qala boıynsha halyq sanynyń ósýi baıqalady, osyǵan baılanysty stasıonarlyq kómek júktemesin azaıtý úshin emhanalar deńgeıinde jumysty kúsheıtý qajet. Eýropa elderiniń tájirıbesin engizý qajet, mysaly, «bir kúndik hırýrgıa». MSAK deńgeıinde jasalýy múmkin operasıalar bar. Osy usynys týraly oılanýdy suraımyn», - dedi Basqarma basshysy.
Sondaı-aq, MSAK Densaýlyq saqtaý uıymdaryna jeke tulǵalardy bekitý qaǵıdalarynyń máseleleri qaraldy. Esterińizge sala keteıik, 15 qyrkúıekten bastap erkin tirkeý naýqany bastaldy.
Munda otbasylyq prınsıp boıynsha tirkeýdiń mańyzdylyǵy atap ótildi, ıaǵnı, bir emhanada búkil otbasyna qyzmet kórsetý, sondaı-aq, qadamdyq qoljetimdilik, bul ýaqyt jaǵynan óte mańyzdy, óıtkeni bul tarmaqshaǵa úıde aktıvke qyzmet kórsetý máselesi kiredi.
«Sońǵy ýaqytta turǵyndardan kóptegen ótinishter kelip túsýde. - Túsindirý jumystaryn kúsheıtý qajet. Pasıent óz aýdanynda ornalasqan qadamdyq qol jetimdilikte emhanany tańdaýy kerek» - deıdi emdeý-profılaktıkalyq jumysy bóliminiń basshysynyń mindetin atqarýshy Laıla Imanǵalıeva.
Sondaı-aq, basqarma basshysy MSAK deńgeıinde medısınalyq qyzmet kórsetý sapasynyń nasharlaýyna jol bermeý óte mańyzdy ekenin taǵy da atap ótti.